الماتى پوليسياسى ەسەپتە تۇرعان ازاماتتاردى تەكسەرىپ جاتىر، – دەپ حابارلايدى اlmaty-akshamy.kz.
ۋچاسكەلىك پوليسيا ينسپەكتورلارى قىزمەتىنىڭ نەگىزگى باعىتى – ەسەپتە تۇرعان ادامدار تاراپىنان قۇقىق بۇزۋشىلىقتاردىڭ جەكە پروفيلاكتيكاسى، قىلمىستاردىڭ قايتالانۋىنىڭ الدىن الۋ جانە بۇرىن قىلمىستىق جاۋاپكەرشىلىككە تارتىلعان ادامدارمەن پروفيلاكتيكالىق جۇمىستاردى جۇرگىزۋ بولىپ تابىلادى.
– بۇرىن قىلمىس جاساعان ادامدار اراسىنداعى قىلمىستى تۇراقتاندىرۋ، سونداي-اق پروفيلاكتيكالىق ەسەپتە تۇرعان ادامدار تاراپىنان قۇقىق بۇزۋشىلىقتىڭ الدىن الۋ ماقساتىندا الماتى قالاسىندا جىل باسىنان بەرى “تۇرمىس”، “پروباسيا”، “ەسەپ”، “شارتتى” جانە ت.ب. جەدەل الدىن الۋ ءىس-شارالارى جۇرگىزىلدى، ونىڭ نەگىزگى مىندەتتەرى – تىركەلگەن كونتينگەنتتى نەمەسە قىلمىستىق جانە اكىمشىلىك قۇقىق بۇزۋشىلىق جاساۋعا بەيىم ادامداردى، سونداي-اق ءىىو-دا ەسەپتە تۇرعان ادامداردى تۇرعىلىقتى جەرى بويىنشا تەكسەرۋ. قوعامنان وقشاۋلاۋسىز جازاعا كەسىلگەن ادامدار اراسىنداعى قىلمىستار مەن باسقا دا قۇقىق بۇزۋشىلىقتاردىڭ الدىن الۋ الماتى قالاسى بويىنشا قىلمىستىق-اتقارۋ قىزمەتى دەپارتامەنتى پروباسيا قىزمەتى جانە جەرگىلىكتى پوليسيا قىزمەتىمەن بىرلەسىپ جۇزەگە اسىرىلادى، – دەيدى الاتاۋ اۋداندىق پوليسيا باسقارماسىندا.