قاجىمۇقان كوشەسىندە ءتورت كۇنگە كولىك قوزعالىسى شەكتەلەدى.
2023 جىلى جوعارىدا اتالعان ۋچاسكەدە جاڭعىرتۋ جۇمىستارىن جۇرگىزگەن «اسكادي» ج ش س مەردىگەرىنىڭ كەپىلدىك مىندەتتەمەسى شەڭبەرىندە اسفالت-بەتون جابىنىندا انىقتالعان اقاۋلاردى جويۋ ماقساتىندا ۋاقىتشا شەكتەۋلەر ەنگىزىلۋدە. بۇل جۇمىس مەردىگەردىڭ ءوز قاراجاتى ەسەبىنەن جۇرگىزىلەتىن بولادى، دەپ حابارلايدى Almaty-akshamy.kz.
قاجىمۇقان كوشەسىنىڭ بويىمەن گوسپيتالنايا كوشەسىنەن دوستىق داڭعىلىنا دەيىن 2024 جىلعى 27 ماۋسىمدا ساعات 09.00-دەن 1 شىلدەدەگى 08.00-گە دەيىن اۆتوكولىك قۇرالدارىنىڭ قوزعالىسى جابىلادى.
اتالعان كوشە بويىنشا ەكى باعىتتا دا كولىك قوزعالىسى جابىلادى.
ەستەرىڭىزگە سالا كەتەيىك، مەردىگەر «اسكادي» ج ش س 2023 جىلى 25 جىلدان استام جىل قىزمەت ەتۋىمەن ءوزىنىڭ نورماتيۆتىك قىزمەت ەتۋ مەرزىمىن وتەگەن، ۇزىندىعى 617 مەتر قۇبىردى جاڭعىرتقان بولاتىن.
قۇبىر 86 كوپپاتەرلى تۇرعىن ءۇي تۇرعىندارىن، 6 مەكتەپ، 4 بالاباقشا، 14 دەنساۋلىق ساقتاۋ وبەكتىسىن جانە 15 باسقا نىساندى جىلۋمەن جانە ىستىق سۋمەن قامتاماسىز ەتىپ وتىر. جاڭعىرتۋ وسى ۋچاسكەدە جىلۋ شىعىنىنىڭ، توزۋدىڭ جانە اپاتتى جاعدايلار تۋىنداۋى ىقتيمالدىعىنىڭ دەڭگەيلەرىن ازايتۋعا مۇمكىندىك بەردى.
ۋاقىتشا قولايسىزدىقتارعا تۇسىنىستىكپەن قاراۋلارىڭىزدى جانە بۇل اۋماقتى اينالىپ ءوتۋ جولدارىن الدىن الا قاراستىرۋلارىڭىزدى سۇرايمىز.