ورتالىق كوممۋنيكاسيالار قىزمەتىنىڭ بريفينگىندە ق ر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا ءتوراعاسىنىڭ ورىنباسارى ءلاززات سۇلەيمەن قازاقستاندىقتاردىڭ رەپرودۋكتيۆتى دەنساۋلىعى جونىندە ايتتى، دەپ حابارلايدى Almaty-akshamy.kz.
دۇنيەجۇزىلىك دەنساۋلىق ساقتاۋ ۇيىمى مالىمەتىنشە، جىل سايىن بۇكىل الەمدە 15-19 جاس ارالىعىنداعى 12 ملن قىز انا اتانادى، ونىڭ 777 مىڭى - 15 جاسقا دەيىنگى ءجاسوسپىرىم ەكەن. جالپى ەلىمىزدە 18 جاسقا دەيىنگى بالالار سانى 7 ميلليونعا جۋىق، ونىڭ 51،3% - ۇل، 48،7% - قىز. قالا-اۋىل بولىنىسىندە بالالار اراسىنداعى ۇلدار مەن قىزداردىڭ دا ۇلەسى بىردەي. ماسەلەن، قالالىق ەلدى مەكەندەردە ۇلداردىڭ ۇلەسى 51،7%-عا، قىزدار تيىسىنشە 48،3%-عا، ال اۋىلدىق ەلدى مەكەندەردە ۇلدار - 51،1%-عا، قىزدار - 48،9%-عا تەڭ. بالا تۋۋ جاسىنداعى ايەلدەر سانى ەلىمىزدە 24% (4 738 298)، - دەدى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا ءتوراعاسىنىڭ ورىنباسارى.
ءلاززات سۇلەيمەنوۆانىڭ سوزىنشە، ەلىمىزدە جاسوسپىرىمدەر اراسىندا بوسانۋ مەن تۇسىك جاساتۋ، جىنىستىق جولمەن بەرىلەتىن ينفەكسيالار، انا مەن بالا ءولىمى فاكتىلەرى ورىن الۋدا. سوندىقتان دا بۇل سالا – الەۋمەتتىك كومەكتى قاجەت ەتەتىن سالالاردىڭ ءبىرى. ەلىمىزدە ءاربىر التىنشى جۇكتىلىك ابورتپەن اياقتالادى.
بوسانۋ كەزىندە انالاردىڭ ءولىمىن ازايتۋعا مۇمكىندىك بەرەتىن شارالار كەشەنىن قابىلداۋ قاجەت. بارلىق ۋاكىلەتتى ورگانداردىڭ ءوزارا دايەكتى جۇمىسى قاجەت. ەلدە وتباسىن جوسپارلاۋ كابينەتتەرىن جەتىلدىرۋ بويىنشا جەتكىلىكتى سانى جۇمىس ىستەيدى. الايدا جۇكتىلىكتىڭ 40 پايىزى جوسپارلانباعان، ال پرەگراۆيدارلىق دايىندىقتان وتكەن جۇپتاردىڭ ۇلەسى 30 پايىزدان اسپايدى، - دەيدى ول.