الماتىدا «تۇنگى قالاداعى بالالار» ءىس-شاراسى وتۋدە.
ونىڭ العاشقى كۇنى 152 ءجاسوسپىرىم پوليسياعا جەتكىزىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
الماتىدا 17-19 شىلدە ارالىعىندا كامەلەتكە تولماعاندار اراسىنداعى قۇقىق بۇزۋشىلىقتىڭ جولىن كەسۋ جانە الدىن الۋ بويىنشا جەدەل-الدىن الۋ ءىس-شاراسى جۇرگىزىلىپ جاتىر. ول بويىنشا ساياباقتاردى، الاڭداردى، قاراۋسىز قالعان ۇيلەر مەن جاسوسپىرىمدەر ءجۇرۋى مۇمكىن باسقا دا جەرلەر تەكسەرىلەدى. بۇل تۋرالى الماتى قالالىق پوليسيا دەپارتمەنتىنىڭ جەرگىلىكتى پوليسيا قىزمەتى باسقارماسى باستىعىنىڭ ورىنباسارى، پوليسيا پولكوۆنيگى دياس دۋانبەكوۆ ايتتى.
«ءبىر تاۋلىك ىشىندە ىشكى ىستەر ورگاندارىنا 152 ءجاسوسپىرىم جەتكىزىلىپ، 138 اكىمشىلىك قۇقىق بۇزۋشىلىق انىقتالدى. 9 ءجاسوسپىرىم ارنايى ەسەپكە الىندى. قاراۋسىز جانە پاناسىز قالعانى ءۇشىن 11 بالا كامەلەتكە تولماعانداردى بەيىمدەۋ ورتالىعىنا ورنالاستىرىلدى»، - دەدى پوليسيا پولكوۆنيگى دياس دۋانبەكوۆ.