“كەلىمسەك” ءجاى-نىڭ سەگىز كۇنىندە كوشى-قون زاڭناماسىن بۇزعانى ءۇشىن 1 590 كوشى-قون زاڭناماسىن بۇزۋشى اكىمشىلىك جاۋاپكەرشىلىككە تارتىلدى،
الماتى پوليسياسى 77 زاڭسىز كەلىمسەكتى قازاقستاننان شىعاردى، – دەپ حابارلايدى Almaty-akshamy.kz. Polisia.kz. سايتىنا سىلتەمە جاساپ. شاھاردىڭ كوشى-قون قىزمەتى حابارلاعانداي، قۇقىقبۇزۋشىلار سوت شەشىمىمەن ەلدەن كەتتى.
– “كەلىمسەك” ءجاى-نىڭ سەگىز كۇنىندە كوشى-قون زاڭناماسىن بۇزعانى ءۇشىن 1 590 كوشى-قون زاڭناماسىن بۇزۋشى اكىمشىلىك جاۋاپكەرشىلىككە تارتىلدى، ونىڭ 1 105ء-ى شەتەلدىكتەر. 77 شەتەلدىك قازاقستان رەسپۋبليكاسىنان شىعارىلدى، ونىڭ جەتەۋى ازاماتتىق ءىس جۇرگىزۋ تارتىبىمەن. سونىمەن قاتار شەتەلدىكتەردىڭ قازاقستان رەسپۋبليكاسىندا بولۋ زاڭدىلىعىن قامتاماسىز ەتۋ جونىندەگى شارالاردى قابىلداماعانى ءۇشىن 434 قابىلداۋشى تۇلعا جاۋاپكەرشىلىككە تارتىلدى، 51 جۇمىس بەرۋشىگە قازاقستان رەسپۋبليكاسىندا شەتەلدىك جۇمىس كۇشىن تارتۋ ەرەجەلەرىن بۇزعانى ءۇشىن ايىپپۇل سالىندى. سونداي-اق زاڭسىز كوشى-قون ارناسىن ۇيىمداستىرۋدىڭ ءۇش فاكتىسى انىقتالدى جانە تىركەلدى، – دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.