بۇگىنگى تاڭدا الەمدە كۆي-دىڭ 176 ملن-نان استام جاعدايى تىركەلگەن، تاۋلىگىنە 290 مىڭنان استام جاعداي تىركەلەدى. 3،8 ملن-نان استام ادام قايتىس بولدى، ءولىم كورسەتكىشى 2،1% قۇرادى.
ق ر پرەمەر-مينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا ەلدەگى سانيتارلىق-ەپيدەميولوگيالىق جاعداي قارالدى. دەنساۋلىق ساقتاۋ ءمينيسترى الەكسەي سوي حالىقتى ۆاكسينالاۋ بارىسى مەن قازىرگى جاعداي تۋرالى باياندادى، دەپ حابارلادى Almaty-akshamy.kz. ق ر پرەمەر-مينيستردىڭ سايتىنا سىلتەمە جاساپ.
دەنساۋلىق ساقتاۋ ءمينيسترى اتاپ وتكەندەي، سوڭعى اپتادا تمد ەلدەرىندە، ونىڭ ىشىندە رەسەي فەدەراسياسىندا، كوروناۆيرۋس ينفەكسياسىنىڭ وسكەنى بايقالدى. وتكەن اپتامەن سالىستىرعاندا، ۆيرۋس انىقتالعان جاعدايلاردىڭ سانى 1،5 ەسە ءوستى، ماسكەۋ قالاسىندا اۋرۋدىڭ ءوسۋىن ەسكەرە وتىرىپ، قوسىمشا شەكتەۋ شارالارى قايتا ەنگىزىلۋدە.
«قازاقستاندا 15 ماۋسىمداعى جاعداي بويىنشا كۆي+ 402 996 ناۋقاس جانە كۆي- 56 705 جاعداي تىركەلگەن. پاسيەنتتەردىڭ 94% جازىلىپ شىقتى. قازاقستان رەسپۋبليكاسى 6 ماۋسىمنان باستاپ "جاسىل ايماقتا" تۇر. قىزىل ايماقتا نۇر-سۇلتان قالاسى قالىپ وتىر. قالعان وڭىرلەر "سارى" جانە "جاسىل" ايماقتاردا ورنالاسقان»، — دەدى الەكسەي سوي.
سوڭعى اپتادا كۆي انىقتالعان جاعدايلاردىڭ سانى 16%-عا تومەندەدى. رەسپۋبليكا بويىنشا، 15 ماۋسىمداعى جاعدايعا سايكەس، ينفەكسيالىق توسەك-ورىنداردىڭ جۇكتەمەسى 23% (6 655 توسەك)، رەانيماسيالىق توسەك-ورىندارىنىڭ جۇكتەمەسى 21% (568 توسەك) قۇرادى. جۇقپالى اۋرۋلار ستاسيونارلارىنداعى توسەك-ورىندار جۇكتەمەسى مەن اۋرۋشاڭدىق جوعارى بولعان 7 وڭىرگە مينيسترلىكتىڭ جۇمىس توبى باردى. دەنساۋلىق ساقتاۋ باسقارمالارىنا وڭىردە مەديسينالىق كومەكتى ۇيىمداستىرۋداعى انىقتالعان كەمشىلىكتەردى ەسكەرە وتىرىپ، ۇسىنىمدار بەرىلدى. جۇرگىزىلگەن جۇمىس قورىتىندىسى بويىنشا ينفەكسيالىق جانە رەانيماسيالىق توسەكتەر جۇكتەمەسىنىڭ وڭ ديناميكاسى بايقالادى. ءبىرقاتار وڭىردە كوپ بەيىندى اۋرۋحانالاردا ينفەكسيالىق بولىمشەلەردىڭ جابىلۋى ەسەبىنەن توسەك قورىنىڭ قىسقارۋى بايقالادى (15 ماۋسىمداعى جاعداي بويىنشا 19 ساۋىرمەن سالىستىرعاندا الماتىدا توسەك قورىنىڭ قىسقارۋى 5،6 ەسە، الماتى وبلىسىندا - 3،6 ەسە).
«سوڭعى ايدا كۆي+ جانە كۆي- ناۋقاستارىنىڭ سانى تاۋلىگىنە 2505-تەن 757 جاعدايعا دەيىن نەمەسە 3،3 ەسەگە ازايدى، ستاسيونارلىق ەمدەۋدەگى ناۋقاستار سانى 2،1 ەسەگە، امبۋلاتوريالىق ەمدەۋدەگىلەر 1،7 ەسەگە ازايدى. بۇگىنگى كۇنى ۆاكسينانىڭ شامامەن 4 ملن دوزاسى پايدالانىلدى، ونىڭ ىشىندە 1-كومپونەنتى 2 547 363 ادام الدى، بۇل ۆاكسينا الۋعا جاتاتىن حالىقتىڭ 25،7%-ىن قۇرايدى. ەكىنشى كومپونەنتتى 1 435 334 ادام الدى»، — دەدى الەكسەي سوي.
بۇگىنگى كۇنى ەگۋ پۋنكتتەرىندە ۆاكسينا دوزالارىنىڭ جەتكىلىكتى سانى بار: ءبىرىنشى كومپونەنتتىڭ شامامەن 1،2 ملن دوزاسى جانە ەكىنشى كومپونەنتتىڭ 914 مىڭ دوزاسى. 1-كومپونەنتپەن ۆاكسينالاۋدىڭ ەڭ از پايىزى ماڭعىستاۋ وبلىسىندا — 13،2%، قوستاناي وبلىسىندا — 19،5%؛ ەكىنشى كومپونەنت - ماڭعىستاۋ وبلىسىندا — 7،3%. ۆەدومستۆو باسشىسىنىڭ ايتۋىنشا، بۇگىنگى تاڭدا Ashyq جۇيەسى بارلىق قىزمەت سالاسىنداعى 10 مىڭنان استام نىساندى قامتيدى، 2 ملن 100 مىڭ پايدالانۋشى تىركەلگەن. ۆاكسينالاۋ پاسپورتى Ashyq قوسىمشاسىمەن بىرىكتىرىلۋدە. ماۋسىم ايىنىڭ سوڭىنا دەيىن Ashyq جوباسىن اۋەجايلاردا، تەمىرجول ۆوكزالدارىندا ەنگىزۋ جوسپارلانۋدا. سونىمەن قاتار Ashyq ەنگىزىلگەن ساتتەن باستاپ پتر تەستىنىڭ وڭ ناتيجەسىمەن 4401 جانە اۋىرعان اداممەن بايلانىستا بولعان 3981 ادام انىقتالدى.
«وكىنىشكە وراي، كەيبىر ازاماتتار وزدەرىنىڭ مارتەبەسىن بىلە وتىرىپ، ۇيدە وقشاۋلاۋ رەجيمىن ساقتامايدى، حالىق كوپ جينالاتىن نىساندارعا بارۋعا، ەل ىشىندە قوزعالۋعا تىرىسادى، وسىلايشا باسقالارعا جۇقتىرۋ ءقاۋپىن تۋدىرادى جانە كوروناۆيرۋستىڭ تارالۋىنا ىقپال ەتەدى. وسىعان بايلانىستى مينيسترلىك كارانتيندىك رەجيمدى بۇزۋشىلار ايىپپۇل تۇرىندە اكىمشىلىك جاۋاپكەرشىلىككە تارتىلاتىن، ونىڭ مولشەرى 87 مىڭ تەڭگەدەن اساتىن ەرەجەلەردى بەكىتىپ، كۇشىنە ەنگىزدى»، — دەدى الەكسەي سوي.
وسى شارالاردان باسقا، بيزنەس سۋبەكتىلەرى ءوز وبەكتىلەرىندە حالىق ءۇشىن قاۋىپسىزدىكتى قامتاماسىز ەتۋى جانە شەكتەۋ شارالارى مەن Ashyq جوباسىنا ەنگىزۋ كەزىندە قويىلاتىن تالاپتاردى قاتاڭ ورىنداۋى ءتيىس. سونىمەن قاتار مينيستر اتاپ وتكەندەي، تمد ەلدەرىندە جانە الەمنىڭ كەيبىر ەلدەرىندە سىرقاتتانۋشىلىقتىڭ قايتا ءوسۋى بۇقارالىق ءىس-شارالاردى وتكىزبەۋ، سونداي-اق نەگىزگى الدىن الۋ شارالارىن – ماسكا تاعۋ، قاشىقتىقتى ساقتاۋ قاجەتتىگىن تاعى دا راستايدى.
«سىرقاتتانۋشىلىق دەڭگەيىن تومەندەتۋدىڭ نەگىزگى شارالارىنىڭ ءبىرى — بۇل ۆاكسينا الۋ، وسىعان بايلانىستى وڭىرلەرگە ۆاكسينالاۋ قارقىنىن ارتتىرۋ بويىنشا شارالار قابىلداۋ قاجەت»، — دەپ تۇيىندەدى الەكسەي سوي.