ەلدى مەكەندەرگە جاقىن ورنالاسقان ءقاۋىپتى ايماقتاردىڭ سانى 243-كە جەتكەن.
الماتى وبلىسى تجد باسپا ءسوز قىزمەتى تارتقان حابارلاماعا سايكەس، 24 ەلدى مەكەن مەن ساياجاي قوعامىنا، سونداي-اق دەمالىس ايماقتارىنا جاقىن ورنالاسقان 194 جولاقتى ءقاۋىپتى ۋچاسكەلەر ەسەپكە الىندى، ەلدى مەكەندەرگە جاقىن ورنالاسقان 243 سەل باسۋ ءقاۋپى بار ۋچاسكەلەر ەسەپكە الىندى، دەپ حابارلايدى Almaty-akshamy.kz.
الماتى وبلىسىنىڭ اۋماعىندا كوشكىندەر 6 اۋدان مەن 1 قالانىڭ (تالعار، ەڭبەكشىقازاق، قاراساي، رايىمبەك، پانفيلوۆ، كەگەن اۋداندارى مەن تەكەلى قالاسىنىڭ) اۋماقتارىندا تاۋلى جانە تاۋ بوكتەرىندەگى اۋدانداردا تارالعان.
24 ەلدى مەكەن مەن ساياجاي قوعامىنا، سونداي-اق دەمالىس ايماقتارىنا جاقىن ورنالاسقان 194 جولاقتى ءقاۋىپتى ۋچاسكەلەر ەسەپكە الىندى، ەلدى مەكەندەرگە جاقىن ورنالاسقان 243 سەل باسۋ ءقاۋپى بار ۋچاسكەلەر ەسەپكە الىندى.
اعىمداعى جىلدىڭ ءساۋىر ايىنان باستاپ الماتى وبلىسىنىڭ توتەنشە جاعدايلار دەپارتامەنتى «قازسەلدەنقورعاۋ» مم- مەن بىرلەسىپ، سەل باسۋ جانە كوشكىن ءقاۋپى بار ۋچاسكەلەردە 84 جەرۇستى جانە ىلە الاتاۋى تاۋ جوتالارىنىڭ ءقاۋىپتى ۋچاسكەلەرىنە 3 اەروۆيزۋالدى تەكسەرۋ جۇرگىزدى. ۇشۋ بارىسىندا تەڭىز دەڭگەيىنەن 2500 مەتردەن استام بيىكتىكتە ورنالاسقان تاۋ وزەندەرىنىڭ، مورەنالىق كولدەردىڭ جاي-كۇيى زەرتتەلدى، وزەندەر باسسەيندەرى، مورەنالىق كولدەر جانە ءقاۋىپتى ۋچاسكەلەر ارنالارىنىڭ جاي-كۇيى انىقتالدى.
ماۋسىم ايىندا مورەنالىق كولدەر سۋىنىڭ شەكتى كولەمىن انىقتاعاننان كەيىن، «قازسەلدەنقورعاۋ» مم ىلە جانە الاتاۋ جەتىسۋ تاۋ جوتالارىنداعى ءقاۋىپسىز بەلگىلەرىنە دەيىن الدىن الا سۋ جىبەرۋ جوسپارلانعان.
«قازسەلدەنقورعاۋ» مم فيليالدارىنىڭ باقىلاۋ بەكەتتەرى حالىقتى جانە شارۋاشىلىق وبەكتىلەرىن سەل تاسقىنىنان جانە سىرعىما قۇبىلىستارىنان ساقتاندىرۋ ماقساتىندا وبلىستىڭ تجد ءوقب اقپاراتتى بەرە وتىرىپ، گيدرومەتەورولوگيالىق جاعدايعا كۇن سايىن مونيتورينگ جۇرگىزەدى. وسى ماقساتتار ءۇشىن 30 جىلدان بەرى تاۋلىك بويى ىستەيتىن ستاسيونارلىق بەكەتتەر، 10 ديسپەچەرلىك بەكەت جۇمىس ىستەيدى.
سەل بسۋ جانە كوشكىن ءقاۋپى بار كەزەڭگە دايىندىق ماقساتىندا:
جەتىسۋ مەن ىلە الاتاۋىنىڭ تاۋ جوتالارىندا «قازسەلدەنقورعاۋ» مم فيليالدارى «ابايلاڭىز: كوشكىن!» (19 قالقان)، «سەل» (27 قالقان) دەگەن ەسكەرتۋ بەلگىلەرىن ورناتتى.
اۋداندىق تجب قىزمەتكەرلەرى «قازسەلدەنقورعاۋ» مم فيليالدارىمەن بىرلەسىپ، اۋىلداعى تاۋلى جەرلەرگە جانە كوشكىن ءقاۋپى بار ۋچاسكەلەرگە مونيتورينگ جۇرگىزۋ بويىنشا ءىس-شارالاردى جالعاستىرۋدا.
الماتى وبلىسىنىڭ تجد ءوز باعىتىنداعى ءقاۋىپتى جەرلەردى زەرتتەۋدى سۇرايدى، اسىرەسە، قاتتى جاڭبىردان كەيىن.
«ءارقاشان ەستە ساقتاڭىز، سەل اعىنىنا ءتۇسىپ كەتكەن ادامدى قۇتقارۋ دەرلىك مۇمكىن ەمەس، سوندىقتان سەل اعىنىن بولدىرماۋ قاجەت. سەل ءقاۋپى بار كەزەڭدە تاۋعا جورىق جاساۋدان اۋلاق بولىڭىز. ءسىزدىڭ ايماعىڭىزداعى كوشكىن شەكارالارى بار، مۇمكىن بولاتىن ورىندار مەن شامالاردى انىقتاڭىز. جاقىنداپ كەلە جاتقان كوشكىننىڭ بەلگىلەرى (عيماراتتاردىڭ ەسىكتەرى مەن تەرەزەلەرىن سىنالاۋ، سۋ باسۋ) پايدا بولعان كەزدە، 101، 112 تەلەفون نومىرلەرىن تەرىپ، تج قىزمەتىنە حابارلاسۋ قاجەت. جاڭالىقتاردى قاداعالاپ، راديو تىڭداڭىز. كوشكىن ءقاۋپى تۋرالى دابىل العان كەزدە، ەلەكتر قۇرىلعىلارىن، گاز اسپاپتارىن جانە سۋ قۇبىرى جەلىسىن ءوشىرىڭىز. دەرەۋ ەۆاكۋاسيالاۋعا دايىندالىڭىز. كوشكىننىڭ جىلجۋ جىلدامدىعىنا بايلانىستى قاۋىپكە سايكەس ارەكەت ەتىڭىز. ەۆاكۋاسيا كەزىندە وزىڭىزبەن بىرگە قۇجاتتار، قۇندى زاتتار، جاعدايعا بايلانىستى جىلى زاتتار مەن ازىق-تۇلىك ونىمدەرىن الۋ قاجەت»، -دەلىنگەن وبلىستىق تجد باسپا ءسوز قىزمەتى تارتقان حابارلامادا.