الماتى پوليسياسى كوكتەم، جاز مەزگىلدەرىندە جالپى قالاداعى جول-كولىك وقيعالارىنىڭ جاعدايىنا اسەر ەتەتىن جەكەلەگەن كولىك تۇرلەرىنىڭ قوزعالىسىن قاداعالاۋدى كۇشەيتەدى، دەپ حابارلايدى Almaty-akshamy.kz.
«تاجىريبەدە موتوسيكلدەر مەن موپەدتەردىڭ يەلەرى تىكەلەي اعىندى قوندىرعىلاردى پايدالاناتىن دەرەكتەر كوپتەپ كەزدەسەدى، بۇل اسىرەسە تۇنگى ۋاقىتتا ازاماتتاردىڭ تىنىشتىعىنا اسەر ەتەدى جانە ولار رۇقسات ەتىلمەگەن جارىستاردى، سونداي-اق مانيەۆر جاساۋ جانە جىلدامدىقتى شەكتەۋ ەرەجەلەرىن ورەسكەل بۇزا وتىرىپ، ۇيىمداسپاعان توپتىق قوزعالىستاردى ۇيىمداستىرادى. بۇل قالا تۇرعىندارى مەن باسقا دا جول قوزعالىسىنا قاتىسۋشىلاردىڭ ورىندى سىنى مەن شاعىمدارىن تۋدىرادى. وسىعان بايلانىستى الماتى پوليسياسى بالامالى كولىك تۇرلەرىن جۇرگىزەتىن ادامداردىڭ قۇقىق بۇزۋشىلىقتارىن انىقتاۋ جۇمىستارىن كۇشەيتتى. جەرگىلىكتى رەيدتەر جۇرگىزىلىپ جاتىر»، – دەدى الماتى قالالىق پد جەرگىلىكتى پوليسيا قىزمەتى باسقارماسى باستىعىنىڭ مىندەتىن اتقارۋشى سەرىك شۋمايەۆ.
رەيد بارىسىندا پاترۋلدىك پوليسيا پولكى مەن مامانداندىرىلعان باتالوننىڭ جەكە قۇرامى قالا جولدارىندا 168 قۇقىق بۇزۋشىلىقتى انىقتاپ، 13 ماس جۇرگىزۋشىنى ۇستادى.