قۇرمەتتى الماتى قالاسىنىڭ تۇرعىندارى مەن قوناقتارى!
30 مامىر مەن 6 ماۋسىم ارالىعىندا الماتىدا ءبىرقاتار حالىقارالىق ءىس-شارالار وتەدى، دەپ حابارلايدى Almaty-akshamy.kz الماتى ق. پوليسيا دەپارتامەنتىنە سىلتەمە جاساپ.
- اعىمداعى جىلدىڭ 30-31 مامىرى الماتىدا ۇقشۇ-عا مۇشە مەملەكەتتەردىڭ قورعانىس مينيسترلەرى كەڭەسىنىڭ وتىرىسى وتەدى.
- بيىلعى جىلدىڭ 2-3 ماۋسىمى الماتىدا ۇقشۇ پارلامەنتتىك اسسامبلەياسى كەڭەسىنىڭ وتىرىسى وتەدى.
- وسى جىلدىڭ 5-6 ماۋسىمى الماتىدا ۇقشۇ قاۋىپسىزدىك كەڭەستەرى حاتشىلارى كوميتەتىنىڭ وتىرىسى وتەدى.
وسىعان بايلانىستى، ءىس-شارالاردىڭ اۋقىمىن، سونداي-اق قاتىسۋشىلار مەن قوناقتاردىڭ سانىن ەسكەرە وتىرىپ، الماتى قالالىق پوليسيا دەپارتامەنتى كولىك قوزعالىسىنا ءىشىنارا شەكتەۋ قويىلعانى تۋرالى حابارلايدى.
ايتا كەتۋ كەرەك، جول شەكتەۋلەرى قوعامدىق كولىكتەرگە اسەر ەتپەيدى.
ءبىز ازاماتتاردان ۋاقىتشا شارالارعا تۇسىنىستىكپەن قاراۋدى جانە كەپتەلىستەردى بولدىرماۋ ءۇشىن الدىن الا باعىتتارىن رەتتەۋدى سۇرايمىز.