الماتى پوليسەيلەرى سۋيسيد جاساماق بولعان ەر ادامدى ءۇيدىڭ شاتىرىنان ءتۇسىردى، دەپ حابارلايدى Polisia.kz Polisia.kz. سىلەمە جاساپ.
جەرگىلىكتى تۇرعىندار پوليسياعا “كوكمايسا” ىقشاماۋدانىنداعى ۇيلەردىڭ ءبىرىنىڭ شاتىرىنىڭ شەتىندە وتىرعان ەر ادام تۋرالى حابار بەردى.
– ازاماتتار ماعان جۇگىنگەندە، مەن اكىمشىلىك بولىمىمدە ستاسيونارلىق پوليسيا پوستىندا وتىردىم. كورسەتىلگەن ۇيگە تەز جۇگىرىپ باردىم، سونداي-اق پاترۋلدىك پوليسياداعى ارىپتەستەرىمنەن كومەك سۇرادىم. مەن ەر اداممەن سويلەسىپ، اسىعىس ارەكەت جاساماۋعا كوندىرىپ جاتقاندا، پاترۋلدىك پوليسەيلەر توبەگە كوتەرىلدى، – دەيدى جەتىسۋ اۋداندىق پب جپقب ۋچاسكەلىك ينسپەكتورى نۇرلان كونۋسوۆ.
– ءبىز وقيعا ورنىنا بىرنەشە مينۋت ىشىندە جەتتىك. قاي جاعىنان ەشكىمگە بىلدىرمەي شاتىرعا شىعۋعا بولاتىنىن جەرگىلىكتى تۇرعىندار كورسەتتى. سەرىكتەسىمىز ەكەۋمىز جاسىرىن تۇردە دەسە دە بولادى، شەتىنە قاراي ورمەلەپ باردىق جانە اشۋلانعان ادامدى سول جەردەن الىپ شىقتىق. ۋچاسكەلىك ينسپەكتور وسى ۋاقىت بويى تومەندە بولدى، ونى اڭگىمەلەرمەن الاڭداتتى، – دەپ حابارلادى الماتى قالالىق پد جپقب پپپ ينسپەكتورى ابىلايحان وقاسوۆ.
وزىنە قول جۇمساماق بولعان ادامنىڭ شىعىس قازاقستاننىڭ تۋماسى ەكەندىگى انىقتالدى. ونىڭ ايتۋىنشا، جەكە باسىنىڭ ماسەلەلەرى ءۇشىن كۇيزەلىسكە ۇشىراعان كەزىندە سۋيسيدكە بارۋ تۋرالى شەشىم قابىلداعان.