الماتىدا «ناركوستوپتىڭ» جاس ەرىكتىلەرى كينولوگ-پوليسەيلەردىڭ جۇمىسىمەن تانىستى.
ق ر ءىىم كينولوگيالىق ورتالىعىندا “ناركوستوپ” ەرىكتىلەر ليگاسىنا ەكسكۋرسيا ۇيىمداستىرىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«بەلسەندى ازاماتتىق ۇستانىمى بار ۇل-قىزدارعا قىزمەتتىك-ىزدەستىرۋ يتتەرىنىڭ جۇمىسى جانە ولاردى ەسىرتكىنىڭ زاڭسىز اينالىمىنا قارسى كۇرەستە پايدالانۋ مۇمكىندىكتەرى كورسەتىلدى. ەرىكتىلەر كينولوگ-پوليسەيلەردىڭ جۇمىسىمەن تانىسۋعا جانە ارنايى قورعانىس جەڭىن كيىپ، ءىز كەسۋشىلەردى وقىتۋعا جەكە قاتىسۋعا مۇمكىندىك الدى. قوناقتاردىڭ ءبىرى قاسكويدىڭ ءرولىن جاقسى سومدادى، ونى ءتورت اياقتى ءتارتىپ ساقشىلارى ۇستادى»، – دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.
ۇيىمداستىرۋشىلاردىڭ ايتۋىنشا، ءىس-شاراعا 30 ادام قاتىسقان. بۇل باعىتتاعى جۇمىستار جالعاسىپ جاتىر.