اتالعان جوبا مەكتەپ مۇعالىمدەرى مەن وقۋشىلارعا ارنالعان.
«قىزىقتى عىلىم» جوباسى الماتىداعى ورتا مەكتەپتەردىڭ 7-8 سىنىپ وقۋشىلارىنا ارنالعان بولىگى 28-29 قاراشاعا جوسپارلانعان، دەپ حابارلايدى Almaty-akshamy.kz.
ارناۋلى سەمينار بارىسىندا 134 جىلدىق تاريحى بار، گەوگرافيا، جاراتىلىستانۋ عىلىمدارىنان باستاپ، عارىشتى يگەرۋگە دەيىنگى سالالاردا كوپ جىلدىق حالىقارالىق عىلىمي-زەرتتەۋلەر مەن فوتو-، بەينەدەرەكتەردىڭ باي قورىن قالىپتاستىرعان National Geographic جۋرنالىنىڭ رەسۋرستارىن ءتيىمدى قولدانۋ ادىستەرى تانىستىرىلادى.
ەسكە سالا كەتەيىك، بۇل جوبا – مەملەكەت باسشىسى قاسىم-جومارت توقايەۆتىڭ تاپسىرماسىمەن جۇزەگە اسىرىلىپ جاتقان «وقۋعا قۇشتار مەكتەپ» باستاماسىن قولداۋ اياسىندا «شيەۆرون» مەن «KAZMEDIA HOLDING» كومپانيالارى بىرلەسە اتقارىپ جاتقان جۇمىستىڭ ءبىر پاراسى.