الماتى پوليسەيلەرى كۆي تارالۋىن بولدىرماۋ ءۇشىن ءتۇسىندىرۋ جۇمىستارىن جۇرگىزۋدە

پوليسيا ساقشىلارىنىڭ 98% استامى ەكپە العان.

الماتىدا پوليسيا قىزمەتكەرلەرى اراسىندا كوروناۆيرۋس ىندەتى تارالماس ءۇشىن ءتۇسىندىرۋ جۇمىستارى جۇرگىزىلىپ جاتىر، دەپ حابارلايدى Almaty-akshamy.kz.

ىشكى ىستەر مينيسترلىگىنىڭ رەسمي سايتىنداعى مالىمەت بويىنشا، كوروناۆيرۋستىق ينفەكسيامەن كۇرەسۋدىڭ العاشقى قادامى ەرىكتى ۆاكسيناسيا بولدى. ونى ءتارتىپ ساقشىلار اعىمداعى جىلدىڭ ناۋرىز ايىندا ءبىرىنشى بولىپ قابىلدادى. بۇگىنگى كۇنى پوليسيا دەپارتامەنتى قىزمەتكەرلەرىنىڭ 98%-دان استامى ۆاكسينانىڭ ەكى كومپونەنتىن دە الىپ ۇلگەرگەن.

سونىمەن قاتار سانيتارلىق-ەپيدەميولوگيالىق نورمالار ەرەجەلەرىن ساقتاۋ بويىنشا الدىن الۋ جۇمىستارى تۇراقتى تۇردە جۇرگىزىلەدى. كوروناۆيرۋستىق ينفەكسيانىڭ العاشقى بەلگىلەرىندە ءوزىن قالاي ۇستاۋ كەرەكتىگى تۋرالى تولىق نۇسقاۋلىق بار ارنايى اقپاراتتىق پلاكاتتار ازىرلەندى. سونداي-اق COVID-19 تارالۋىن بولدىرماۋ ءۇشىن عيماراتقا كىرە بەرىستە Ashyq ارنايى قوسىمشاسىنىڭ QR كودتارى ورناتىلدى.

سونىمەن قاتار اكىمشىلىك عيماراتتاردىڭ كىرەبەرىسىندە دەنە تەمپەراتۋراسىن ولشەيتىن جانە جالپى جاعدايدى تەكسەرەتىن مەديسينالىق قىزمەتكەرلەر تۇرادى، اۋداندىق بولىمشەلەردە وسى ينفەكسيانىڭ العاشقى بەلگىلەرىندە جۇگىنگەندەرگە العاشقى مەديسينالىق كومەك كورسەتىلەتىن مەديسينالىق كابينەتتەر بار.