الماتىدا پوليسيا قىزمەتكەرلەرى 35 ءتۇپ كوشەت وتىرعىزدى.
مانشۇك مامەتوۆانىڭ 100 جىلدىعىنا وراي ۇيىمداستىرىلعان “كوشەت وتىرعىزۋ” ناۋقانىن الماتى پوليسياسىنىڭ قىزمەتكەرلەرى قولدادى، دەپ حابارلايدى Almaty-akshamy.kz Polisia.kz- كە سىلتەمە جاساپ.
ەسىرتكى قىلمىسىنا قارسى كۇرەس باسقارماسىنىڭ، سونداي-اق اۋەزوۆ اۋداندىق پوليسيا باسقارماسى مەن بولىمشەسىنىڭ قىزمەتكەرلەرى جەرگىلىكتى اكىمدىك وكىلدەرىنىڭ كومەگىمەن "مامىر-2" شاعىناۋدانىندا كوشەت وتىرعىزدى. بۇل ءماسسيۆتىڭ تۇرعىندارى دا بەلسەندىلىك تانىتتى.
ماقسات – قالانىڭ ەكولوگيالىق جاعدايىن جاقسارتۋ، جاڭا جاسىل ايماقتاردى جابدىقتاۋ. شاراعا قاتىسۋشىلار مۇنداي ناۋقانداردىڭ قارقىن الىپ، جىل وتكەن سايىن بەيجاي قارامايتىندار كوبەيەتىنىنە سەنىمدى.
بۇگىنگى شاراعا 35 ادام قاتىسىپ، 35 ءتۇپ قايىڭ كوشەتى وتىرعىزىلدى. پوليسيا بارلىق قاتىسۋشىلارعا “ەسىرتكىگە بىرگە قارسىمىز!” جانە “نازار اۋدارىڭىز! بەيجاي قاراماڭىز!” جادىنامالارىن تاراتتى.