الاياقتىقتى بيلەت ساتاتىن كومپانيانىڭ رەسمي وكىلىنىڭ اتىن جامىلىپ، ازاماتتاردى الداعان 18 جاستاعى ل.ەسىمدى ازامات جۇزەگە اسىرعان.
ونىڭ ۇستىنە ول ونلاين ارەكەت ەتتى: بيلەتتەرگە تاپسىرىستاردى Instagram ارقىلى قابىلدادى. ال الەۋمەتتىك جەلىدە اۋقىمدى جارنامالاۋ ءۇشىن قاسكوي SMM مەنەدجەرىن جالدادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
قالالىق كريمينالدىق پوليسيا باسقارماسىنىڭ مالىمەتىنشە، كۇدىكتى ۇستالدى. قازىرگى تاڭدا المالى اۋداندىق پوليسيا باسقارماسىندا الدانعان ازاماتتاردىڭ ارىزى نەگىزىندە ق ر قك-نىڭ 190-بابى بويىنشا قىلمىستىق ءىس تىركەلدى. ولاردىڭ كەيبىرىنە جالعان بيلەت ساتۋشى 50 سەنتتىڭ كونسەرتىنە بيلەتتەردى “ساتقان”. باسقا ىقتيمال قۇربانداردى انىقتاۋعا باعىتتالعان تەرگەۋ شارالارى جالعاسىپ جاتىر.
بۇعان دەيىن الماتىلىق ءتارتىپ ساقشىلارى كونسەرت بيلەتتەرىن ساتىپ الاردا الاياقتاردان ساق بولۋعا شاقىرعانىن حابارلاعان بولاتىنبىز.