الماتىنىڭ ناۋرىزباي اۋدانىندا «مەكتەپ اۆتوبۋسى» جوباسى اياسىندا 27 اۆتوبۋس جۇرە باستادى. ولار كۇن سايىن 2400 وقۋشىنى تاسىمالدايدى.
«2024 جىلدىڭ قاڭتار ايىنان باستاپ 1000 بالاعا قوسىمشا 16 اۆتوبۋس بولىنەدى. جالپى 3 400-گە جۋىق بالا قامتىلادى»، - دەدى ناۋرىزباي اۋدانىنىڭ اكىمى ءنازيرا توعىزبايەۆا وكق بريفينگىندە.
سونىمەن قاتار، اكىم بيىلعى 1 ماۋسىمدا مەملەكەت باسشىسىنىڭ تاپسىرماسىمەن ناۋرىزباي اۋدانىندا كوپسالالى يننوۆاسيالىق شىعارماشىلىقتىڭ ورتالىقتىڭ اشىلعانىن اتادى.
«باستى مىندەت – بالالارىمىزدىڭ ەڭ جاقسىسىن ۇسىنۋ. جاڭا ورتالىق مەكتەپتەرگە جاقىن ماڭنان اشىلدى جانە جوعارى ستاندارتتار بويىنشا سيفرلاندىرۋدىڭ ءبىلىم بەرۋ تەحنولوگيالارىمەن جابدىقتالعان. قازىرگى ۋاقىتتا 2200 بالا قامتىلعان»، - دەدى ول.