الماتى پوليسەيلەرى كيبەرقىلمىسقا قارسى تۇرۋدىڭ جولدارىن تالقىلادى

ساراپشىلار ءوز تاجىريبەسىمەن ءبولىستى.

جيىندا اقپاراتتى قورعاۋدان باستاپ كريپتوۆاليۋتا اينالىمىنا دەيىنگى ءتۇرلى سالالاردا كيبەرقاۋىپسىزدىكتى قامتاماسىز ەتۋ جونىندەگى ساراپشىلار ءوز تاجىريبەسىمەن ءبولىستى، دەپ حابارلايدى Almaty-akshamy.kz Inbusiness.kz سىلتەمە جاساپ.

سپيكەرلەر كيبەرقىلمىسقا قارسى ءىس-قيمىلدىڭ قىر-سىرىنا توقتالىپ، ولاردى شەشۋ جولدارىن، باعدارلامالىق قامتاماسىز ەتۋ مەن ينتەرنەت-الاياقتىقتى انىقتايتىن كەشەندەردى، بلوكچەين-تەحنولوگيالارمەن بايلانىستى قىلمىستاردى پايدالانا وتىرىپ، قۇقىق بۇزۋشىلىقتاردى انىقتاۋ جانە اشۋ جولدارىن بەلگىلەدى.

بانك قىزمەتى سالاسىنداعى كيبەرقاۋىپسىزدىكتەر بويىنشا قارجى نارىقتارىن رەتتەۋ اگەنتتىگىنىڭ، Halyk Bank، Kaspi Bank، بانك سەنتر كرەديت جانە ۆتب بانك وكىلدەرى ءوز پىكىرلەرىمەن ءبولىستى.

اقپاراتتاندىرۋ جانە بايلانىس جەلىسى بويىنشا زاڭناما جانە قۇقىق بۇزۋشىلىقتار، جالعان ءنومىر اۋىستىرىپ ينتەرنەتتە الاياقتىق جاسايتىندار، اقپاراتتىق-كوممۋنيكاسيالىق تەحنولوگيالاردى پايدالانا وتىرىپ جاسالاتىن الاياقتىقتاردى اشۋ جانە تەرگەۋ ەرەكشەلىكتەرى ماسەلەلەرى ۇيالى بايلانىس كومپانيالارىنىڭ وكىلدەرىمەن، ءىىم اكادەمياسىنىڭ قىلمىستىق قۇقىق، قىلمىستىق پروسەسس جانە كريميناليستيكا كافەدراسىنىڭ وقىتۋشىلارىمەن تالقىلاندى.