الماتى قالاسىنىڭ مەدەۋ اۋداندىق پوليسيا باسقارماسىنىڭ قىزمەتكەرلەرى ءىرى الاياقتىق ءىسىن اشكەرەلەدى.
قۇقىق قورعاۋ ورگاندارىنىڭ جەدەل ءارى كاسىبي ارەكەتتەرىنىڭ ارقاسىندا جەرگىلىكتى تۇرعىننىڭ قۇقىعى قالپىنا كەلتىرىلدى، دەپ حابارلايدى aqshamnews.kz Polisia.kz-كە سىلتەمە جاساپ.
الاياقتار ازاماتتىڭ پاتەرىن زاڭسىز يەمدەنۋگە ارەكەتتەنىپ، ونى الداپ كەتكەن. الايدا مەدەۋ اۋداندىق پوليسيا باسقارماسىنىڭ انىقتاۋ ءبولىمىنىڭ قىزمەتكەرلەرى بۇل قىلمىستى تەرەڭ زەرتتەپ، ءاربىر ەپيزودتى مۇقيات تالداۋدىڭ ارقاسىندا ادىلەتتىلىكتى قالپىنا كەلتىردى. جابىرلەنۋشى پوليسيانىڭ جەدەل ءارى ادال ەڭبەگىنە العىس ءبىلدىرىپ، قۇقىق قورعاۋ ورگاندارىنىڭ باسشىلىعىنا حات جولدادى.
– مەدەۋ اۋداندىق پوليسيا باسقارماسىنىڭ انىقتاۋ ءبولىمىنىڭ قىزمەتكەرلەرى پاتەرىمدى زاڭسىز يەمدەنۋگە بايلانىستى الاياقتىق ءىستى كاسىبي دەڭگەيدە تەرگەدى. ولار ءاربىر جاعدايدى مۇقيات زەرتتەپ، ادىلەتتىلىكتى قالپىنا كەلتىرۋگە كومەكتەستى. پوليسيا قىزمەتكەرلەرىنە كاسىبيلىگى، ادامگەرشىلىگى جانە بىزگە دەگەن شىدامدىلىعى ءۇشىن ۇلكەن العىسىمدى بىلدىرەمىن. ءبىزدىڭ قۇقىق قورعاۋ ورگاندارىندا ءوز ءىسىنىڭ ناعىز ماماندارى مەن ادام تاعدىرىنا بەي-جاي قارامايتىن ازاماتتاردىڭ قىزمەت ەتىپ جاتقانى ماقتانارلىق جايت، – دەپ جازىلعان حاتتا.
الماتى قالاسى پوليسيا دەپارتامەنتىنىڭ باسپا ءسوز قىزمەتى بۇل وقيعا – پوليسيا قىزمەتكەرلەرىنىڭ زاڭ ۇستەمدىگىن ساقتاۋداعى جاۋاپتى جانە ادال ەڭبەگىنىڭ جارقىن دالەلى ەكەنىن اتاپ ءوتتى.