ناۋرىزباي اۋدانىنىڭ تۇرعىنى الاياقتاردىڭ قۇربانى بولدى.
الماتى پوليسەيلەرى ينتەرنەت-الاياقتىققا قاتىسى بار كۇدىكتىلەردى انىقتادى، دەپ حابارلايدى Almaty-akshamy.kz
جاقىندا ەر ادامعا بەيتانىس بىرەۋ قوڭىراۋ سوققان. ول ادامنىڭ سوزىنە سەنگەن تۇرعىن بانكتەن 7 ملن تەڭگەدەن استام قارىز العان.
«قوڭىراۋ شالعان ازامات ءوزىن ەكىنشى دەڭگەيلى بانكتەردىڭ ءبىرىنىڭ قاۋىپسىزدىك قىزمەتكەرىمىن دەپ تانىستىرىپ، بەلگىسىز بىرەۋلەر ونىڭ اتىنا نەسيە راسىمدەمەك بولىپ جاتقانىن ايتتى. اڭگىمەلەسۋشى جابىرلەنۋشىنى وعان كومەكتەسەتىنىنە بىردەن سەندىردى، ءبىراق ونىڭ نۇسقاۋلارىن بۇلجىتپاي ورىنداۋدى تالاپ ەتتى. الدىمەن “بانك قىزمەتكەرىنىڭ” تالابى بويىنشا جابىرلەنۋشى تەلەفونىنا كۇماندى قوسىمشانى جۇكتەپ العان، بۇل قاسكويلەرگە ونىڭ ءموبيلدى بانكينگىنە قاشىقتىقتان قول جەتكىزۋگە مۇمكىندىك بەردى. ودان ءارى اڭگىمەلەسۋشىنىڭ كەڭەسىمەن تەلەفونىنا ەكىنشى دەڭگەيلى تاعى ءۇش بانكتىڭ قوسىمشاسىن جۇكتەپ العان. وسىلايشا، قاسكويلەر جابىرلەنۋشىنىڭ اتىنا 7،2 ملن تەڭگە كولەمىندە نەسيە راسىمدەگەن»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ديدار احانوۆ.
سپيكەردىڭ ايتۋىنشا، بۇل قىلمىستى اشۋ ءۇشىن قالالىق كريمينالدىق پوليسيا جانە ناۋرىزباي اۋداندىق پب-نىڭ قىزمەتكەرلەرىنەن جەدەل تەرگەۋ توبى قۇرىلدى.
«جەدەل ىزدەستىرۋ ءىس-شارالارى بارىسىندا الاياقتىق جولمەن الىنعان اقشانى قولما-قول اقشاعا اينالدىرۋ مىندەتىن ورىنداعان 29 جانە 34 جاستاعى ەكى ازامات ۇستالدى جانە قاماۋعا الىندى. قازىرگى ۋاقىتتا الاياقتىقتىڭ باسقا قاتىسۋشىلارىن ۇستاۋعا باعىتتالعان كەشەندى شارالار جۇرگىزىلىپ جاتىر. سوتقا دەيىنگى تەرگەۋ ق ر قك-نىڭ 190-بابى 3-بولىگى بويىنشا جۇرگىزىلىپ جاتىر»، – دەدى احانوۆ.
قازاقستان رەسپۋبليكاسى ق ر قپك-نىڭ 201-بابىنا سايكەس وزگە اقپاراتتار تەرگەۋ مۇددەسىنە وراي جاريالاۋعا جاتپايدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىقبۇزۋشىلىق جاساۋدا كىناسىز دەپ تانىلادى.