الماتىدا 30 جاستاعى ازامات شەتەلدە تىركەلگەن كولىكتى زاڭداستىرۋعا جالعان ۋادە بەرگەن.
الماتى وبلىسىنىڭ 30 جاستاعى تۇرعىنى ءبىرقاتار الاياقتىق جاساعانى ءۇشىن ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ج.ەسىمدى ازامات الداۋ جانە سەنىمگە قيانات جاساۋ ارقىلى شەتەلدىك اۆتوكولىكتەردىڭ قۇجاتتارىن زاڭداستىرامىز دەگەن جەلەۋمەن سەنگىش ازاماتتاردان الدىن الا تولەم العان. ماسەلەن، جابىرلەنۋشىلەردىڭ ءبىرى كۇدىكتىگە قۇجات راسىمدەۋ ءۇشىن 800 مىڭ تەڭگە بەرگەن. كۇدىكتىنىڭ وسى ۋاقىتقا دەيىن ءتورت قالا تۇرعىنىن الداعانى بەلگىلى بولدى. اتالعان دەرەكتەر بويىنشا ق ر قك-نىڭ 190-بابى 3-بولىگىنە سايكەس قىلمىستىق ءىس تەرگەلۋدە. تەرگەۋ كەزىندە الدىن الا تولەم سوماسى “قىزمەتىنە” بايلانىستى وزگەرىپ وتىرعانىن انىقتادى»، – دەدى مەدەۋ اۋداندىق پب-عا قاراستى پوليسيا ءبولىمىنىڭ باستىعى ءابدىنۇر تاسىبايەۆ.
قازىرگى ۋاقىتتا ءىس جۇرگىزۋدىڭ تولىقتىعىن قامتاماسىز ەتۋگە جانە شىندىقتى انىقتاۋعا باعىتتالعان تەرگەۋ ارەكەتتەرى جۇرگىزىلىپ جاتىر. ۇستالعان ادامنىڭ جەكە باسى وسىعان ۇقساس باسقا دا قىلمىسقا قاتىسى بار-جوعىنا تەكسەرىلىپ جاتىر. ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.