وتشاشۋدان وپىق جەپ قالماڭىزدار!
جەتىسۋ اۋدانى تجب قىزمەتكەرلەرى جەتىسۋ اۋدانى پوليسيا باسقارماسى ينسپەكتورلارىمەن بىرلەسە وتىرىپ ءقۇقىقتارتىپ ءجپى اياسىندا الماتى قالاسى پد باسپا ءسوز قىزمەتىنىڭ قاتىسۋىمەن اۋدانىمىزدا ورنالاسقان ياليان جانە بايسات بازارلارىندا زاڭسىز پيروتەحنيكالىق جارىلعىش زاتتاردى ساتىپ جاتقان ساتۋشىلارعا قاتىستى رەيدتىك ءىس-شارا وتكىزىلدى، دەپ حابارلايدى Almaty-akshamy.kz.
الماتى قالاسىنىڭ توتەنشە جاعدايلار دەپارتامەنتىنىڭ مالىمەتىنشە، اتالعان ءىس-شارا بارىسىندا پوليسيا قىزمەتكەرلەرىمەن اقبتك-نىڭ 196 بابى بويىنشا اكىمشىلىك حاتتامالار تولتىرىلىپ، زاڭسىز ساۋدا تاۋارلارى ورنالاسقان ورىندار مورلەندى. تجب قىزمەتكەرلەرى تۇسىندىرمە جۇمىستارىن جۇرگىزىپ، بروشيۋرالار تاراتىلدى.
وتشاشۋلاردى، ساليۋتتەردى، تاعى دا باسقا پيروتەحنيكالىق ونىمدەردى تەك ارنايى دۇكەندەردەن ساتىپ العان ءجون:
• وتشاشۋلار مەن ساليۋتتەردى تۇرعىن ۇيلەردىڭ نەمەسە تەز جانعىش زاتتاردىڭ قاسىندا 20 مەتردەن جاقىن جەرلەردە، تومەن باستىرمالار مەن ءوسىپ تۇرعان اعاشتاردىڭ استىندا قولدانۋعا بولمايدى.
• وتشاشۋلاردى جاققان كەزدە بىلتەسىن بەتكە جاقىن ۇستاۋعا بولمايدى.
• وتشاشۋدىڭ بىلتەسىن سوزىلعان قول قاشىقتىعىندا جاعۋ كەرەك.
• راكەتالار مەن وتشاشۋلاردى ادامدارعا قاراي اتۋعا بولمايدى.
• وتشاشۋلار مەن ساليۋتتەردى قاتتى جەل كەزىندە قولدانۋعا بولمايدى.
• ءاربىر پيروتەحنيكالىق بۇيىمدا ونىڭ قولدانۋ ءادىسى تۋرالى نۇسقاۋلىق جازىلادى. سول نۇسقاۋلىقتى مۇقيات وقىپ شىعۋ ءۇشىن بىر-ەكى مينۋت ۋاقىتىڭىزدى ءبولىڭىز.
• ەستە ساكتاڭىزدار. پيروتەحنيكالىق زاتتاردى قولدانعان كەزدە كەزدەيسوق جاعدايلاردىڭ كوبىسى جاۋاپكەرشىلىكسىزدىكتىڭ سالدارىنان بولادى.
• وزدەرىڭىزدى، جاقىندارىڭىز بەن اينالاداعى ادامداردىڭ دەنساۋلىعى مەن ءومىرىن ساكتاڭىزدار!