ءوندىرىس جەكە ۇيلەردىڭ بىرىندە ورنالاسقان.
الماتى پوليسياسى ارنايى زەرتحانادان 100 كەلى سينتەتيكالىق ەسىرتكىنى تاركىلەدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
زەرتحانادا 32 جاستاعى ەر ادام جۇمىس ىستەگەن. ول – «حيميك»، وراۋىش جانە كوتەرمە ساۋدامەن اينالىساتىن ادامنىڭ قىزمەتتەرىن اتقاردى.
«جەدەل ادىسپەن الىنعان اقپارات مۇقيات تەكسەرىلدى جانە راستالدى. بىرنەشە اي بويى «ءوندىرۋشى» زەرتحانا جۇمىسىن رەتتەپ، وندا سينتەتيكالىق مەفەدرون پرەپاراتىن جاسادى. بەلگىلى بولعانداي، ب. ەسىمدى ازامات جۇمىس بەرۋشىنىڭ جەلىدەگى ونلاين نۇسقاۋلارىن ورىندادى. كۋراتور وعان قاجەتتى شيكىزاتتىڭ جەتكىزىلۋىن قامتاماسىز ەتە وتىرىپ، زەرتحانالىق جۇمىستاردى ۇيرەتتى. حيميك-ەسىرتكى ساتۋشى قوسالقى بولمەسى بار جەكە ءۇيدى جالعا الدى: ەسىرتكى زەرتحاناسىن قوراعا ورنالاستىردى، باس عيماراتتا ءوزى تۇردى. كۇدىكتى قىلمىستىق ۇسىنىسقا جومارت ەڭبەكاقىنىڭ ارقاسىندا قىزىعۋشىلىق تانىتقانىن ايتادى»، دەدى الماتى قالالىق پوليسيا دەپارتامەنتى باستىعىنىڭ ورىنباسارى ديدار احانوۆ.
ەسىرتكى ساتۋشى ارنايى ءىس-شارا بارىسىندا ۇستالدى. ەسىرتكى زەرتحاناسى جويىلدى. ءتىنتۋ كەزىندە ول جەردەن پرەكۋرسورلار، شيكىزات، ساتۋعا دايىن سينتەتيكالىق ەسىرتكى جانە شىنى ىدىستار تۇرىندەگى ينۆەنتار، سۇيىقتىقتارى بار پوليەتيلەن كانيسترلەر، پروبيركالار، بوتەلكەلەر، تارازىلار مەن ەلەكتر پەشتەرى تابىلدى.
«تاركىلەنگەن شيكىزاتتىڭ جالپى سالماعى 100 كەلىنى قۇرادى. كۇدىكتى ۋاقىتشا ۇستاۋ يزولياتورىنا قامالدى. اتالعان دەرەك ق ر قك-نىڭ 297-بابى 3-بولىگىندە كوزدەلگەن قىلمىس بەلگىلەرى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. ەسكە سالايىق، بۇعان دەيىن ەققكب قىزمەتكەرلەرى قىلمىستىق بيزنەستىڭ سىبايلاستارىنىڭ ءبىرى 33 جاستاعى س. ەسىمدى ازاماتتى ۇستاعان بولاتىن. ونىڭ كولىگىنەن 85 بۋما مەفەدرون جانە ماريحۋانا تابىلىپ، تاركىلەندى. انىقتالعانداي، سينتەتيكالىق ەسىرتكىنى كۇدىكتىنىڭ ءوزى جاسايدى. وسى ماقساتتا ول الماتى وبلىسى تۇزدىباستاۋ اۋىلىندا جەكە تۇرعىن ءۇيدى جالعا العان. رۇقسات ەتىلگەن ءتىنتۋ كەزىندە جالعا الىنعان تۇرعىن ۇيدەن زەرتحانالىق قۇرال-جابدىقتار مەن 15 كەلىدەن استام سينتەتيكالىق ەسىرتكى تابىلدى جانە تاركىلەندى»، - دەدى احانوۆ.
سونداي-اق سپيكەر قازىرگى ۋاقىتتا قىلمىستىق سالانىڭ باسقا دا بايلانىستارىن ورناتۋعا باعىتتالعان جەدەل ءىس-شارالار جۇرگىزىلىپ جاتقانىن ايتىپ ءوتتى.