رەسپۋبليكا سارايىندا مۇعالىمدەر كۇنىن مەرەكەلەۋگە ارنالعان سالتاناتتى ءىس-شارا ءوتتى. كاسىبي مەرەكەنى ارىپتەستەر اراسىندا اتاپ وتۋگە 2،5 مىڭنان استام پەداگوگ، ەڭبەك ارداگەرلەرى، وقىتۋشىلار اۋلەتتەرىنىڭ وكىلدەرى جانە باسقا دا قوناقتار كەلدى.
قالا اكىمى ەربولات دوسايەۆ ءىس-شارا قوناقتارىن مەرەكەمەن قۇتتىقتاپ، ولاردىڭ ىزگى ەڭبەكتەرى جانە قازاقستاندىقتاردىڭ جاس ۇرپاعىن تاربيەلەۋگە قوسقان ۇلەسى ءۇشىن ريزاشىلىعىن ءبىلدىردى.
“تەك قانا سىزدەر ءار بالانىڭ بويىنا ءبىلىمنىڭ، قورشاعان الەمنىڭ، تابيعي زاڭدىلىقتاردىڭ، عىلىمي جاڭالىقتاردىڭ نەگىزىن قالاپ، بالالارعا باعا جەتپەس قۋانىش پەن جاقسىلىق ۇسىناسىزدار. ءمۇعالىم اتانۋ – ۇلكەن قۇرمەت ءارى جاۋاپكەرشىلىگى وتە جوعارى ماماندىق. ۇستاز ءۇشىن ءوزى ءبىلىم بەرگەن شاكىرتىنىڭ سۇيىسپەنشىلىگى مەن قۇرمەتىنەن اسقان باعا جوق. مۇندا سىزدەردىڭ ەلىمىزدىڭ بولاشاعى بولىپ تابىلاتىن پاتريوت، ىزدەنىمپاز، مەيىرىمدى جاستاردىڭ قالىپتاسۋىنا قوسقان ۇلەستەرىنىز وتە ماڭىزدى”، - دەدى ەربولات دوسايەۆ ءوزىنىڭ قۇتتىقتاۋ سوزىندە.
بۇل كۇنى مەرەكەلىك ءىس-شارادا "الماتى ۇستازى" بايقاۋىنىڭ قورىتىندىسى مەن جەڭىمپازدارىن ماراپاتتاۋ ءراسىمى ءوتتى. جاس مۇعالىمدەرگە ارنالعان بايقاۋ 2022 جىلدىڭ 1 تامىزىندا باستالىپ، 3 كەزەڭدە ءوتتى. "الماتى ۇستازى" اياسىندا 3500-دەن استام پەداگوگ زاماناۋي ءبىلىم بەرۋ ۇدەرىسىنە وزىق تاسىلدەر مەن سيفرلىق تەحنولوگيالاردى ەنگىزۋ بويىنشا ءوز داعدىلارىن كورسەتتى.
مەگاپوليس باسشىسى فينالعا شىققان 5 جاس پەداگوگقا فينليانديادا ءبىلىم بەرۋ تاعىلىمداماسىنا سەرتيفيكاتتار تابىس ەتتى. ماراپاتتارعا: №13 گيمنازيا مەكتەبىنىڭ باستاۋىش سىنىپ ءمۇعالىمى جاننا كاكەنوۆا، №104 مەكتەپ تاريح ءپانىنىڭ ءمۇعالىمى نۇرجان يبراگيموۆ، №69 مەكتەپ تاريحشىسى بولات مۇڭبايەۆ، №39 مامانداندىرىلعان ليسەيدىڭ قازاق ءتىلى مەن ادەبيەتى ءپانىنىڭ وقىتۋشىسى الينا دينابەكوۆا يە بولدى. فينليانديادا تاعىلىمدامادان وتۋگە 5 ملن تەڭگە كولەمىندەگى باس جۇلدەنى № 135 جالپى ءبىلىم بەرەتىن مەكتەپتىڭ تاريح ءپانىنىڭ ءمۇعالىمى ءانۋار يسايەۆ جەڭىپ الدى.
قالا اكىمىنەن 27 گيمنازيانىڭ بيولوگيا ءپانىنىڭ ءمۇعالىمى الىپبەك داميرا جانە 178 مامانداندىرىلعان ليسەيدىڭ ماتەماتيكا ءپانىنىڭ ءمۇعالىمى لۋنارا امالبەكوۆا فينليانديادا تاعىلىمدامادان وتۋگە قوسىمشا سەرتيفيكاتتار الدى.
بۇدان باسقا، "الماتى مەكتەبى" باعدارلاماسى بويىنشا ەستونيا مەن فينليانديانىڭ ۇزدىك وقۋ ورىندارىندا بيىل 50 مەكتەپتىڭ باسشىلارى حالىقارالىق اكادەميالىق تاعىلىمدامادان وتەدى.
بۇدان بۇرىن حابارلانعانداي، وقۋ جىلىنىڭ باسىندا قالادا 6600 ورىندى 4 جاڭا مەملەكەتتىك مەكتەپ سالىندى، جىل سوڭىنا دەيىن 7200 ورىندى تاعى 5 مەكتەپ اشۋ جوسپارلانۋدا. قولدانىستاعى ينفراقۇرىلىمدى كەڭەيتۋ اياسىندا 3 مەكتەپتە 875 ورىندىقوسىمشالار پايدالانۋعا بەرىلدى، جىل سوڭىنا دەيىن تاعى 3 ورتا وقۋ ورنىندا قۇرىلىس جۇمىستارى اياقتالادى. سونداي-اق، قالادا 4 جەكەمەنشىك مەكتەپ اشىلدى، وندا ءبىلىم بەرۋ پروسەسى جاڭا وزىق ستاندارتتار بويىنشا جۇرگىزىلەتىن بولادى.