الماتى ورتالىق ستاديونىنىڭ باتىس سەكتورىنداعى التى قاتاردىڭ (ورتالىق ستاديونداعى جالپى ورىن سانىنىڭ 2،7%-ى) اراسىنداعى قاردىڭ ۋاقىتىلى تازالانباۋىنان تۋىنداعان قولايسىزدىقتار ءۇشىن جانكۇيەرلەردەن كەشىرىم سۇرايمىز.
بولاشاقتا وسىنداي وقيعالاردىڭ الدىن الۋ ماقساتىندا تەكسەرىس جۇرگىزىلەدى.
«ورتالىق ستاديون» نىسانىنىڭ باسقارۋشىسى باۋىرجان جۇماجانوۆ قىزمەتىنەن شەتتەتىلدى.
جانكۇيەرلەردىڭ جايلىلىعى ءبىز ءۇشىن اسا ماڭىزدى، اسىرەسە، وسىنداي ماڭىزدى ماچتاردا. بولاشاقتا مۇنداي جاعدايلاردىڭ قايتالانباۋى ءۇشىن بار كۇشىمىزدى سالامىز.
«استانا» مەن «چەلسي» فۋتبول كوماندالارى اراسىنداعى ماچ جانكۇيەرلەرىنىڭ قاپەرىنە: ويىن اياقتالعاننان كەيىن بارلىعىنا ترانسفەرلەر قولجەتىمدى
قالا اكىمدىگى جانكۇيەرلەرگە ىڭعايلى بولۋ ءۇشىن 8 تەگىن اۆتوبۋس باعىتىن ۇيىمداستىردى، ءار باعىتتا 10 اۆتوبۋس جۇرەدى. مارشرۋتتار ورتالىق ستاديونعا دەيىن جانە كەرى قايتادى.
جينالۋ نۇكتەلەرىن 2GIS سەرۆيسى ارقىلى كورۋگە بولادى:
* قالقامان شاعىن اۋدانى (№7 قالالىق اۋرۋحانا ايالداماسى) – ورتالىق ستاديون.
* وربيتا شاعىن اۋدانى (مۇستافين-تورايعىروۆ كوشەلەرىنىڭ قيىلىسى) – ورتالىق ستاديون.
•اينابۇلاق شاعىن اۋدانى (ماقاتايەۆ-پاۆلودار كوشەلەرىنىڭ قيىلىسى) – ورتالىق ستاديون.
* «حالىق ارەنا» ايالداماسى (سولتۇستىك باعىت) – ورتالىق ستاديون.
* الماتى-1 تەمىرجول ۆوكزالى ايالداماسى – ورتالىق ستاديون.
* «رايىمبەك باتىر» مەترو بەكەتى – ورتالىق ستاديون.
* ناۋرىزباي اۋدانىنىڭ حقكو – ورتالىق ستاديون.
* مومىشۇلى-موڭكە بي كوشەلەرىنىڭ قيىلىسى ايالداماسى – ورتالىق ستاديون.
الماتى قالاسىنىڭ سپورتتىق نىساندارى ديرەكسياسى