بالالارعا ارنالعان جيناقتاۋ جۇيەسىنە قاتىستى زاڭ ماقۇلداندى.
سەنات وتىرىسىندا "كەلەشەك" مەملەكەتتىك ءبىلىم بەرۋ جيناقتاۋ جۇيەسىنە قاتىستى زاڭ ماقۇلداندى، دەپ حابارلايدى aqshamnews.kz
"كەلەشەك" باعدارلاماسى جوعارى ءبىلىم الۋدى، كوللەدجدە نەمەسە ماگيستراتۋرادا وقۋدى قوسا العاندا ءبىلىم بەرۋ جيناقتارىن قالىپتاستىرۋعا ارنالعان.
سەناتورلار "قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك ءبىلىم بەرۋ جيناقتاۋ جۇيەسى، اقپارات، قوعامدىق دامۋ، مادەنيەت جانە ارحيۆ ءىسى سالالارىندا ارتىق زاڭنامالىق رەگلامەنتتەۋدى بولعىزباۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" تۋرالى زاڭدى قارادى.
زاڭ قوعامدىق دامۋ، مادەنيەت، مەملەكەتتىك ءبىلىم بەرۋ جيناقتاۋ جۇيەسى سالاسىنداعى قولدانىستاعى نورماتيۆتىك قۇقىقتىق بازانى جەتىلدىرۋگە باعىتتالعان. اتاپ ايتقاندا، وسى زاڭ ارقىلى "كەلەشەك" ءبىرىڭعاي ەرىكتى جيناقتاۋشى جۇيەسىنىڭ قىزمەتىن قۇقىقتىق رەتتەۋ كوزدەلىپ وتىر.
"كەلەشەك" باعدارلاماسى جوعارى ءبىلىم الۋدى، كوللەدجدە نەمەسە ماگيستراتۋرادا وقۋدى قوسا العاندا ءبىلىم بەرۋ جيناقتارىن قالىپتاستىرۋعا ارنالعان. بۇل رەتتە مەملەكەتتىڭ، اتا-انالاردىڭ جانە قارجى ينستيتۋتتارىنىڭ قاتىسۋى دا كوزدەلگەن.
"ماقۇلدانعان زاڭدا ءبىرقاتار سالانى بيۋروكراتيادان ارىلتۋعا ارنالعان تۇزەتۋلەر توپتاماسى قامتىلعان. سونداي-اق پرەزيدەنتىمىز قاسىم-جومارت كەمەل ۇلى توقايەۆتىڭ جولداۋدا جۇكتەگەن تاپسىرماسىن ورىنداۋ ماقساتىمەن "كەلەشەك" ءبىرىڭعاي ەرىكتى جيناقتاۋ جۇيەسىن ەنگىزۋ جونىندە نورما قاراستىرىلىپ وتىر. الداعى ۋاقىتتا زاڭ ازاماتتارعا ساپالى ءبىلىمنىڭ قولجەتىمدىلىگىن قامتاماسىز ەتۋگە جانە مەملەكەتتىك ورگاندار قىزمەتىنىڭ تيىمدىلىگىن ارتتىرۋعا وڭ سەپتىگىن تيگىزەدى دەپ سەنەمىز"، – دەدى ماۋلەن اشىمبايەۆ.
وسىلايشا، زاڭ مادەنيەت، قوعامدىق دامۋ سالاسىن رەتتەۋدىڭ نورماتيۆتىك نەگىزىن تۇجىرىمدامالىق تۇرعىدان وزەكتەندىرۋگە مۇمكىندىك بەرەدى. سونداي-اق ۇلتتىق زاڭنامانى جانە ونىڭ قۇقىق قولدانۋ پراكتيكاسىن ودان ءارى جەتىلدىرۋگە ىقپال ەتپەك.