تراۆماتيكالىق قارۋلار مەن گراناتالار تاركىلەندى
الماتىنىڭ ورتالىعىنان قارۋ-جاراق ارسەنالى تابىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
قويما وسى جىلدىڭ قاڭتار ايىنىڭ باسىندا بولعان جاپپاي تارتىپسىزدىكتەردىڭ وشاعىنان تابىلدى.
«جەدەل ءىس-شارالاردى جۇرگىزۋ بارىسىندا «سامال» ىقشاماۋدانىندا مەملەكەتتىك مۇراجايدىڭ جانىنان قىزمەتتىك-ىزدەۋشى يت ارسەنال قويماسىن تاپتى. جاسىرىلعان جەردەن تراۆماتيكالىق قارۋلار مەن گراناتالار تاركىلەندى. جاقىن جەردەگى قوقىس جاشىگىنەن پاتروندار تابىلدى: 12 كاليبرلى – 19 دانا، 7،62 كاليبرلى – 7 دانا، 5،45 كاليبرلى – 4 دانا. وق-دارىلەردىڭ تيەسىلىگى تەكسەرۋ بارىسىندا انىقتالادى»، – دەيدى مەدەۋ اۋداندىق پوليسيا باسقارماسىنىڭ باستىعى داۋرەن وتەبايەۆ.