ءورتى جيىلەيتىن ماۋسىمنىڭ الدىندا الماتى مەن الماتى وبلىسىندا ءورتتىڭ الدىن الۋعا ارنالعان جاتتىعۋ جۇمىستارى ءوتىپ جاتىر. وڭىرلىك كوممۋنيكاسيالار قىزمەتىندە وتكەن پرەسس-كونفەرەنسيادا ىلە الاتاۋى ۇلتتىق پاركىنىڭ مەدەۋ فيليالىنا قاراستى ورمان ورتىنەن قورعاۋ ستانسياسىنىڭ باستىعى داۋلەت جەتپىسبايەۆتىڭ ايتۋىنشا، قولدا بار كۇش پەن تەحنيكا ءقازىر قانداي جاعدايعا بولسىن دايار تۇر.
«اقساي بولىمشەسىندە وتكەن جاتتىعۋعا 102 ادام مەن 13 تەحنيكا تارتىلدى. ماقساتىمىز – ءورت سوندىرگەن كەزدە بۇكىل ءبولىمنىڭ قويان-قولتىق جۇمىس ىستەۋىن قامتاماسىز ەتۋ»، - دەپ تولىقتىردى ول.
ونىڭ ايتۋىنشا، تۇرگەن بولىمشەسى ەرەكشە نازارعا الىنعان.19 ءساۋىر كۇنى وسىندا الماتى وبلىسىنىڭ تجد-مەن بىرلەسىپ ءورتتىڭ الدىن الۋعا ارنالعان ۇلكەن تاكتيكالىق جاتتىعۋ وتكىپ، وعان تالعاردىڭ، ەڭبەكشىقازاق پەن بورالدايدىڭ بولىمشەلەرى، قازاۋەورمان كۇزەتى مەن قازاۆياقۇتقارۋدىڭ، ەنەرگەتيكا جانە سۋمەن قامتاماسىز ەتۋدىڭ، ۇلتتىق گۆارديانىڭ ماماندارى دا قاتىسقان.
«مي-8 تىكۇشاعىن قوسقاندا، جاتتىعۋعا 200 ادام مەن 35 ارناۋلى تەحنيكا كەلىپ قاتىستى»، - دەپ قورىتتى جەتپىسبايەۆ.
سونىمەن بىرگە، ۇلتتىق پاركتىڭ ماماندارى ورتا ازياداعى، پاكىستانداعى ارىپتەستەرىمەن بىرلەسىپ، ورمان مەن سۋ جينايتىن باسسەيندەردىڭ ماڭىزىن تالقىلاعان حالىقارالىق سەمينارعا بارىپ قاتىسىپتى. ول سەميناردا، جان-جاقتان كەلگەن وكىلدەر تاۋلى جەردە ءور ءسوندىرۋدىڭ ادىس-امالىمەن تانىسقان.
«مۇنداي ترەنينگتەر ءوزارا تاجىريبە الماسىپ، تابيعا اپات كەزىندە ونىمەن كۇرەسەر ءتيىمدى جۇيە جاساپ شىعارۋ ءۇشىن دە كەرەك»، - دەپ تۇيىندەدى ءوز ءسوزىن مامان.