قالادا وڭدەۋ ونەركاسىبىنىڭ كوپتەگەن سالالارىندا ديناميكالىق ءوسۋ بايقالادى.
بۇل تۋرالى وڭىرلىك كوممۋنيكاسيالار قىزمەتى الاڭىندا الماتى اكىمىنىڭ ورىنباسارى ءىلياس وسەروۆ مالىمدەدى، دەپ حابارلادى Almaty-akshamy.kz.
مىسالى، الماتىدا سۋسىندار ءوندىرىسىنىڭ كولەمى 4%-عا دەيىن، قاعاز جانە قاعاز ونىمدەرى 21%-عا دەيىن، رەزەڭكە مەن پلاستماسسا بۇيىمدارى 79،2%-عا دەيىن، مەتالل ەمەس باسقا مينەرالدى ونىمدەر 27،4%-عا دەيىن، دايىن مەتالل بۇيىمدارى 92،3%-عا دەيىن ۇلعايدى.
ءىلياس وسەروۆ قالانىڭ يندۋستريالدى ايماعىندا "حيۋنداي" زاۋىتى اشىلعانىن، ونىڭ وتكەن جىلى 6،5 مىڭنان استام اۆتوكولىك شىعارعانىن حابارلادى. 2021 جىلدىڭ باسىنان بەرى 9،7 مىڭنان استام اۆتوموبيل شىعارىلدى. قالا اكىمى ورىنباسارىنىڭ ايتۋىنشا، الماتىدا ماشينا جاساۋ كولەمى 5 ەسەگە جۋىق ءوستى.
پوليگرافيالىق قىزمەت 25،6%-عا دەيىن، سونداي-اق جەڭىل ونەركاسىپ 60،5%-عا دەيىن جوعارى ءوسۋ قارقىنىن كورسەتتى.
ءىلياس وسەروۆ الماتىنىڭ ساۋدا سالاسىندا دا كوشباسشى ەكەنىن ايتتى.
"قالا ەلدىڭ بولشەك ساۋدا اينالىمىنىڭ 31،6% جانە كوتەرمە ساۋدا اينالىمىنىڭ 40،5% قۇرادى. بولشەك ساۋدادا كەڭ اسسورتيمەنتتەگى تاۋارلار ساتىلىمىنىڭ 48،7%-عا، كيىم مەن اياق كيىمنىڭ 4،8%-عا، اۆتوموبيلدەر مەن قوسالقى بولشەكتەردىڭ 4،5%-عا، قۇرىلىس ماتەريالدارىنىڭ 4،9%-عا، كومپيۋتەرلەردىڭ 9،8%-عا، فارمونىمدەردىڭ 9،3%-عا وسكەنىن ايتتى"، - دەپ اتاپ ءوتتى الماتى اكىمىنىڭ ورىنباسارى ءى. وسەروۆ.
كوتەرمە ساۋدادا ديزەل وتىنىن ساتۋ 1%-عا، اۆتوموبيلدەردى ساتۋ 3،1%-عا، قۇرىلىس ماتەريالدارىن ساتۋ 3،3%-عا، كەڭ اسسورتيمەنتتى تاۋارلاردى ساتۋ 19،1%-عا ۇلعايدى. ءى. وسەروۆتىڭ پىكىرىنشە، بۇل سالا بىرتىندەپ قالپىنا كەلۋدە ءارى 52 كوتەرمە-بولشەك بازارلارى مودەرنيزاسيالاندى.