ءىلياس وسەروۆ: الماتى ەل ەكونوميكاسىنا قوسقان ۇلەسى بويىنشا كوشباسشى بولۋدا

ونىڭ ايتۋىنشا، بەس اي ىشىندە الماتى ەكونوميكاسىنىڭ بارلىق سالالارى بيىك مەجەدەن كورىندى.

وڭىرلىك كوممۋنيكاسيالار قىزمەتىنىڭ الاڭىندا 14 ماۋسىمدا الماتى اكىمىنىڭ ورىنباسارى ءىلياس وسەروۆ اعىمداعى جىلدىڭ باسىنان بەرگى الەۋمەتتىك-ەكونوميكالىق دامۋدىڭ نەگىزگى قورىتىندىلارى تۋرالى ايتتى، دەپ حابارلايدى Almaty-akshamy.kz.

ءىلياس وسەروۆ اتاپ وتكەندەي، 2020 جىلدىڭ قورىتىندىسى بويىنشا، الماتى ءجىو-نىڭ 19،7%-ىن قۇرادى جانە ەل ەكونوميكاسىنا قوسقان ۇلەسى بويىنشا كوشباسشى بولۋدا.

2021 جىلدىڭ بەس ايىندا ەكونوميكانىڭ بارلىق نەگىزگى سالالارى، ماسەلەن ونەركاسىپ (+19،7%)، قۇرىلىس (+24،7%)، بايلانىس قىزمەتتەرى (13،4%)، ساۋدا (+4،7%) تۇراقتى ءوسۋ قارقىنىن كورسەتۋدە.

الماتى اكىمىنىڭ ورىنباسارى جەرگىلىكتى اتقارۋشى ورگانداردىڭ باستى مىندەتى ينۆەستيسيالىق تارتىمدىلىق پەن قالانىڭ تۇراقتى دامۋىنىڭ نەگىزى رەتىندە ەكونوميكانىڭ باسەكەگە قابىلەتتىلىگى ءۇشىن نەعۇرلىم ءتيىمدى جاعدايلار جاساۋ ەكەنىن اتاپ ءوتتى.

«ينۆەستيسيالار اعىنى – بۇل ەكونوميكانىڭ تۇراقتىلىق كورسەتكىشى. بۇگىندە الماتى ينۆەستاحۋال بويىنشا كوشباستاۋشى رەيتينگىنە يە. قالا بۇكىلالەمدىك بانكتىڭ سۋبۇلتتىق رەيتينگى بويىنشا بيزنەس جۇرگىزۋ جونىنەن قازاقستاننىڭ بارلىق وڭىرلەرىنىڭ اراسىندا ءبىرىنشى ورىندا تۇر. ينۆەستيسيالىق تارتىمدىلىق جىل سايىن ارتىپ كەلەدى»، – دەدى ءىلياس وسەروۆ.

 ول نەگىزگى كاپيتالعا سالىنعان ينۆەستيسيالار كولەمىنىڭ 32%-دان استامعا وسكەنىن ايتتى. ينۆەستيسيالاردىڭ ءوسۋىنىڭ نەگىزگى كوزى – كاسىپورىن يەلەرىنىڭ قارجىسى.

ينۆەستيسيا تارتۋداعى وڭ ديناميكا جىلجىمايتىن مۇلىكتە (56،8%)، كولىك جانە قويمالاۋ (82،4%) سالالارىندا بايقالادى، تارتىلعان ينۆەستيسيالارداعى ولاردىڭ جالپى كولەمى 60،5%-دى قۇرايدى.