الماتى وبلىسىندا پوليسيا كولىگى ۇرلانعانى جايىندا جالعان اقپارات بەرگەن كۇدىكتىنى اشكەرەلەدى.
پوليسيا قىزمەتكەرلەرى 46 جاستاعى داعىستان رەسپۋبليكاسىنىڭ ازاماتىن ۇستادى. ول ءوزى ساتقان كولىگىنىڭ ۇرلانعانى تۋرالى حابارلاپ، قۇقىق قورعاۋ ورگاندارىن اداستىرۋعا ارەكەتتەنگەن، دەپ حابارلايدى aqshamnews.kz Polisia.kz-كە سىلتەمە جاساپ.
– ەر ادام قىمبات كولىكتىڭ ۇرلانعانى تۋرالى جالعان وتىنىشپەن جۇگىندى. الايدا، جەدەل-ىزدەستىرۋ ءىس-شارالارى بارىسىندا پوليسەيلەر كۇدىكتىنىڭ كولىكتى ساتىپ، قاساقانا جالعان اقپارات بەرگەنىن تەز ارادا انىقتادى، – دەيدى تالعار اۋداندىق پوليسياسى.
سونداي-اق ۇستالعان ادام بۇرىن رەسەي فەدەراسياسىنىڭ اۋماعىندا وسىنداي سحەمانى جۇزەگە اسىرعانى تۋرالى انىقتالدى. ول كەزدە ول كولىكتى قاساقانا ورتەپ جىبەرىپ، ساقتاندىرۋ تولەمىن العان، سودان كەيىن وسىعان ۇقساس كولىكتى ساتىپ الىپ، تۇرا سونداي الاياقتىق جاساۋدى كوزدەپ، قازاقستانعا كەلگەن. كورىنەۋ جالعان حابارلاۋ فاكتىسى بويىنشا تەرگەۋ امالدارى جۇرگىزىلۋدە. كۇدىكتى ۇستالىپ، ۋاقىتشا ۇستاۋ يزولياتورىنا قاماۋعا الىندى.