ق ر قم ۇلتتىق قورعانىس ۋنيۆەرسيتەتى باسشىلىعىنىڭ ءۇندىستان رەسپۋبليكاسىنا ساپارى ەكى ەلدىڭ قورعانىس ۆەدومستۆولارى اراسىنداعى اسكەري ىنتىماقتاستىق جوسپارىنا سايكەس ءوتتى.
نيۋ-دەليدە ق ر قم ۇلتتىق قورعانىس ۋنيۆەرسيتەتىنىڭ باستىعى گەنەرال-مايور اسقار مۇستابەكوۆ باستاعان قازاقستاندىق دەلەگاسيا ءۇندىستان ۇلتتىق قورعانىس كوللەدجىندە بولىپ، وقۋ-ماتەريالدىق بازامەن تانىستى، دەپ حابارلايدى aqshamnews.kz قورعانىس مينيسترلىگىنە سىلتەمە جاساپ.
سونداي-اق تاراپتار «ماگيستراتۋرا» باعدارلاماسى بويىنشا پاريتەتتىك نەگىزدە وفيسەر كادرلاردى دايىنداۋ ماسەلەلەرىن تالقىلادى.
كەزدەسۋلەردىڭ قورىتىندىسى بويىنشا ق ر ۇلتتىق قورعانىس ۋنيۆەرسيتەتى مەن ءۇندىستان رەسپۋبليكاسى ۇلتتىق قورعانىس كوللەدجى اراسىندا ءوزارا تۇسىنىستىك تۋرالى مەموراندۋمعا قول قويىلدى.
– بۇل ەل ق ر ۇلتتىق قورعانىس ۋنيۆەرسيتەتىنىڭ وقۋ-ماتەريالدىق بازاسىن دامىتۋعا بەلسەندى قاتىسىپ كەلەدى، – دەدى گەنەرال-مايور اسقار مۇستابەكوۆ.
ماسەلەن، 2017 جىلدان باستاپ مۇندا ءۇندىستان قارۋلى كۇشتەرىنىڭ اسكەري ونەر اۋديتورياسى جۇمىس ىستەيدى. بيىلعى جىلى ءۇندىستان تاراپى اۋديتوريانى قايتا جاراقتاندىرۋ ءۇشىن جالپى سوماسى 8 ملن. تەڭگەدەن استام مۇلىكتى وتەۋسىز بەرىپ وتىر. 2021 جىلدىڭ ناۋرىز ايىنان باستاپ ەكى ءۇندى اسكەري قىزمەتشىسى ۇقۋ-دە اعىلشىن ءتىلىن وقىتىپ ءارى اعىلشىن ءتىلىن وقىتۋداعى ءادىسنامالىق تاجىريبەسىن قازاقستاندىق ارىپتەستەرىمەن ءبولىسىپ كەلەدى. سونداي-اق، ءۇندىستاننىڭ كوماندالىق-شتابتىق كوللەدجىمەن ءوزارا ءىس-قيمىل ورناتىلىپ، وزەكتى تاقىرىپتار بويىنشا ونلاين رەجيمدە بىرلەسكەن دارىستەر وقىلدى.