جەرگىلىكتى تۇرعىندار دەنساۋلىعى ءۇشىن الاڭدايدى.
الماتى وبلىسىنىڭ تۇرعىندارى تەرەزە تۇبىندەگى قوقىس تاستايتىن ورىنعا شاعىمداندى، دەپ حابارلايدى Almaty-akshamy.kz.
«استانا» تەلەارناسىنىڭ مالىمەتىنشە، ول ورىن ىلە اۋدانىنداعى تۇرعىن ۇيلەردىڭ قاسىندا پايدا بولعان. مۇندا جۇك كولىكتەرى توننالاپ تۇرمىستىق قالدىقتار مەن قۇرىلىس ماتەريالدارىن اكەلۋى سالدارىنان اۋىل ماڭىندا قوقىس تاۋ بوپ ءۇيىلىپ جاتىر.
«ولار كۇنىنە بىرنەشە رەت كەلەدى. ءدال ءقازىر 5 كاماز كەلىپ كەتتى. قوقىستاردى مىنا شۇڭقىرعا تاستاپ جاتىر. قوقىستى نەگە ءدال وسى جەرگە جينايدى؟ مۇندا ادامدار تۇرادى ەمەس پە؟ تىنىستايتىن اۋا جوق، شاڭ، ساسىق ءيىس»، - دەيدى زەينەتكەر گۇلجاحان قالييەۆا.
مۇندا قۇرىلىس ماتەريالدارىنىڭ قالدىقتارى، قاتتى تۇرمىستىق قالدىقتار توگىلەدى. ءتىپتى جانۋارلاردىڭ ولەكسەلەرى دە بار. جەرگىلىكتى تۇرعىندار دەنساۋلىعىنا الاڭدايدى. قوقىس جان-جاقتان جەتكىزىلىپ جاتىر. ءتىپتى الماتىدان دا اكەلىنەتىن كورىنەدى. تۇرعىنداردىڭ ايتۋىنشا، جەرگىلىكتى قوقىس اۋماعىندا تىشقاندار مەن ەگەۋقۇيرىقتار كوبەيگەن.
اۋىل اكىمدىگى قوقىس تاستايتىن اۋماق جەكەمەنشىك يەلىگىندە ەكەنىن حابارلادى. شەنەۋنىكتەر اۋماقتى تازارتۋ قاجەتتىلىگى تۋرالى بىرنەشە رەت ەسكەرتكەنمەن، ءالى جاۋاپ بولماعان.
«ۋچاسكەلىك ينسپەكتور 30 اەك كولەمىندە ايىپپۇل سالدى. ءقازىر بۇل جەردىڭ يەسىنە اۋماقتى تولىعىمەن تازارتۋ تۋرالى حات جولدادىق. بۇگىن ەكولوگيا دەپارتامەنتى مەن جەر ينسپەكسياسى دەپارتامەنتىنە ءتيىستى شارالار قابىلداۋ تۋرالى حات جولداپ وتىرمىز»، - دەدى كازسيك اۋىلدىق وكرۋگىنىڭ اكىمى باۋىرجان جۇمابايەۆ.