قار كوشكىنىنىڭ ۇزىندىعى - 40 م.
بۇگىن الماتى وبلىسىنداعى تۇرگەن وزەنىنىڭ شاتقالىنىڭ بويىندا قار كوشكىنى ءجۇردى. زارداپ شەككەندەر جوق، دەپ حابارلايدى Almaty-akshamy.kz.
قار كوشكىنىنەن كەيىن اپاتتى جەردى ۆيزۋالدى زەرتتەۋ جۇمىستارى جۇرگىزىلدى.
«زەرتتەۋ قورىتىندىسى بويىنشا، تۇرگەن اۋىلى – باتان كەنتىنەن 16 شاقىرىم جەردە وزدىگىنەن قار كوشكىنى تۇسكەنى انىقتالدى. قار كوشكىنى تۇرگەن – باتان جولىن جاۋىپ تاستادى. قۇرباندار مەن قيراۋلار جوق»، - دەپ حابارلادى توتەنشە جاعدايلار مينيسترلىگىنىڭ «كازسەلەزاششيتا» مەملەكەتتىك مەكەمەسىنەن.
قار كوشكىنىنىڭ ۇزىندىعى - 40 م، ەنى - 6 م، بيىكتىگى - 1،8 م، كولەمى – 432 تەكشە مەتر.
جولدى تازارتۋ ءۇشىن توتەنشە جاعداي ورنىنا ەكى تەحنيكا (فرونتتىك جۇك تيەگىش، «پاتريوت» ۋاز) جانە بەس ادام جىبەرىلدى.