شارا ەر-رياد قالاسىنداعى مرسۋل-پارك ستاديونىندا بولدى. 25 مىڭ ادام سياتىن سپورت كەشەنى كورەرمەندەرگە لىق تولدى، دەپ حابارلايدى اlmaty-akshamy.kz 24 kz سىلتەمە جاساپ.
37 جاستاعى شابۋىلداۋشى بىلتىر قاراشا ايىندا "مانچەستەر يۋنايتەد" فۋتبول كلۋبىنان كەتىپ، جاقىندا "ال-ناسرمەن" كەلىسىمشارتقا وتىرعان. بۇل ونىڭ ەۋروپادان سىرت ەلدىڭ كلۋبىندا العاش ويناۋى بولعالى تۇر. كەلىسىمگە ساي، رونالدۋ "ءال-ناسر" كلۋبىندا 2025 جىلعا دەيىن ونەر كورسەتەتىن بولادى.
- كوڭىل-كۇيىم وتە جاقسى. مەن وسىندا كەلىپ ويناۋ تۋرالى شەشىم قابىلداعانىما وتە قۋانىشتىمىن. بۇعان دەيىن ەۋروپادا بارلىق ماڭىزدى كلۋبتاردا ونەر كورسەتىپ، كوپ جەتىستىككە جەتكەنىمدى ايتقان ەدىم. ءقازىر مەن ءۇشىن ازيادا جاڭا بەلەستەردى باعىندىرۋ ماڭىزدى. وسى رەتتە "ءال-ناسر" كلۋبى فۋتبول عانا ەمەس، وسكەلەڭ جاس ۇرپاق ءۇشىن دە ەڭبەك ەتۋىمە مۇمكىندىك بەرىپ وتىرعانىنا ريزامىن. مەن ءۇشىن بۇل ۇلكەن سىن بولماق. ءبىراق مەن بۇعان دايىنمىن، - دەدى كريشتيانۋ رونالدۋ.