الماتى وبلىسى اكىمىنىڭ وكىمىمەن بيبىگۇل توكەن قىزى ۇزاقوۆا وبلىستىق قارجى باسقارماسىنىڭ باسشىسى لاۋازىمىنا تاعايىندالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بيبىگۇل ۇزاقوۆا 1975 جىلى تۋعان. ءبىلىمى جوعارى. 1996 جىلى قازاق مەملەكەتتىك ەكونوميكالىق ۋنيۆەرسيتەتىن «ەكونوميست» ماماندىعى بويىنشا بىتىرگەن.
ەڭبەك جولىن 1996 جىلى الماتى وبلىسى قارجى باسقارماسىنىڭ جەتەكشى مامانى بولىپ باستاعان. ءار جىلدارى الماتى وبلىسى قارجى باسقارماسىنىڭ جەتەكشى مامان-بۋحگالتەرى، باس مامانى، سەكتور مەڭگەرۋشىسى، ءبولىم باستىعىنىڭ ورىنباسارى، الماتى قالاسى قارجى باسقارماسىنىڭ باس مامانى، ءبولىم باستىعى، الماتى قالاسى ەكونوميكا جانە بيۋدجەتتى جوسپارلاۋ، قارجى، جۇمىسپەن قامتۋ جانە الەۋمەتتىك باعدارلامالار باسقارمالارى باستىعىنىڭ ورىنباسارى، الماتى قالاسى اكىمى اپپاراتى باسشىسىنىڭ ورىنباسارى، «Eco Almaty» ج ش س ديرەكتورىنىڭ ورىنباسارى لاۋازىمدارىن اتقارعان.
2021 جىلدىڭ قازان ايىنان باستاپ وسى ۋاقىتقا دەيىن «پروبلەمالىق كرەديتتەر قورى» اق باس-ەكسپەرت اۋديتورى لاۋازىمىندا بولدى.