الماتى وبلىسى پد ەققىقب قىزمەتكەرلەرى جەدەل الدىن الۋ شاراسى اياسىندا ەسىرتكى ساتۋشىنى انىقتاپ، زاڭسىز اينالىمنان ءۇش كەلىگە جۋىق مەفەدرون تاركىلەدى.
قاراساي اۋدانىندا جەدەل-ىزدەستىرۋ شاراسى بارىسىندا ۇستالعان 28 جاستاعى بويجەتكەن سينتەتيكالىق ەسىرتكىنى زاڭسىز ساقتادى جانە ساتتى دەگەن كۇدىككە ءىلىندى، دەپ حابارلايدى Almaty-akshamy.kz.
كۇدىكتى ءۇش ەسىرتكى قويماسىنىڭ ورنىن كورسەتىپ، ودان ەرەكشە ءيىسى بار سارعىش ءتۇستى ۇنتاقتى زات تابىلىپ، تاركىلەندى.
ساراپتاما ناتيجەسى تاركىلەنگەن زاتتىڭ جالپى سوماسى 143 ملن تەڭگەنى قۇرايتىن، سالماعى ءۇش كەلىگە جۋىق، ياعني 7 مىڭ 920 ءبىر رەتتىك دوزانى قۇرايتىن مەفەدرون سينتەتيكالىق ەسىرتكى زاتى ەكەنىن راستادى. قازىرگى ۋاقىتتا كۇدىكتى ۋاقىتشا ۇستاۋ يزولياتورىنا قامالدى. ەسىرتكى زاتتاردى اسا ءىرى كولەمدە زاڭسىز ساقتاۋ جانە ساتۋ بويىنشا قىلمىستىق ءىس قوزعالدى.