بيشىمبايەۆ نۇكەنوۆانىڭ اعاسى مەن تۋىستارى وعان قارسى پيار ناۋقانىن جۇرگىزگەنىن ايتتى

استانا قالاسىندا ايەلىن اسا قاتىگەزدىكپەن قيناپ ءولتىردى دەپ ايىپ تاعىلعان قۋاندىق بيشىمبايەۆقا قاتىستى سوت وتىرىسى ءوتتى.

قوعامدىق رەزونانس تۋدىرعان قايعىلى جاعدايعا قاتىستى سوت وتىرىسى جوعارعى سوتتىڭ رەسمي الەۋمەتتىك جەلىلەرىندە تىكەلەي ەفيردەن كورسەتىلدى، دەپ حابارلايدى Almaty-akshamy.kz.

ايىپتالۋشى ق.بيشىمبايەۆ جاۋ بەرۋ كەزىندە پروكۋرور وقىعان ايىپتاۋ اكتىسىندە وزىنە قاتىستى ايتىلعان ايىپتاۋلاردىڭ اتالماعانىن ايتتى. 

«اناسىنىڭ قازىرگى جاعدايىن، ءبارىن تۇسىنەمىن. ءبىراق مەن مۇنى ايتۋىم كەرەك. ەگەر سىزدەر قۇجاتتارمەن ودان ارى تانىسقان بولساڭىزدار، ءسىز ايىپتاۋ اكتىسىن ەستىدىڭىز، مەن ۇستالعان ساتتەن باستاپ،  سالتاناتتىڭ تۋىستارى دا، اعاسى دا بولعان وقيعانىڭ بارلىق فاكتىلەرىن بۇرمالاۋ ءۇشىن بەلسەندى PR ناۋقانىن جاسادى.  سىزدەر ينتەرنەتتەن جابىرلەنۋشى تاراپ پەن تۋىستارىنىڭ، ونىڭ (سالتاناتتىڭ) كوزى اعىپ كەتكەنىن، باس سۇيەگى تەسىلگەنىن، سىنعانىن، ساۋ جەرى جوق ەكەنىن جانە ت.ب. وسىنداي مالىمدەمەلەردى وقىدىڭىزدار. ايىپتاۋ اكتىسىن پروكۋرور وقىدى. ءبىراق وندا بۇل ايىپتاردىڭ ەشقايسىسى اتالمادى»