ۇستالعان ادام – وزبەكستان رەسپۋبليكاسى نامانگان قالاسىنىڭ 54 جاستاعى تۋماسى.
وزبەكستان رەسپۋبليكاسى قىلمىستىق كودەكسىنىڭ 168-بابىنىڭ 4-بولىگى بويىنشا اۋىر قىلمىس جاساعانى، ياعني الاياقتىق ءۇشىن وزبەكستان ەلىندەگى ارىپتەستەرمەن ىزدەۋ سالىنعان، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ايتا كەتۋ كەرەك، الماتى وبلىسى پد ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى كورشى ەلدىڭ قۇقىق قورعاۋ ورگاندارى ىزدەگەن 1969 جىلعى ازاماتتى ۇستادى. قازىرگى ۋاقىتتا ىزدەۋدەگى ادام ءوز ەلىنىڭ قۇقىق قورعاۋ ورگاندارىنا تابىستالعانعا دەيىن قاراساي اۋداندىق پب ۋۇي-عا قاماۋعا الىندى»، – دەدى الماتى وبلىسى پد باستىعى باۋىرجان الەنوۆ.