الماتى قالاسى، الماتى جانە جەتىسۋ وبلىستارى بويىنشا قاج دەپارتامەنتىنە قاراستى مەكەمەلەردە دەسترۋكتيۆتى ءدىن اعىمداردى ۇستانعان سوتتالعاندار دا ءارتۇرلى قىلمىستارى ءۇشىن جازالارىن وتەپ جاتىر.
ولاردى دەراديكالداندىرۋ بويىنشا مەكەمەلەردە جۇيەلى جۇمىستار جۇرگىزىلەدى، دەپ حابارلايدى حابارلايدى Almaty-akshamy.kz Polisia.kz-كە سىلتەمە جاساپ.
بۇل جۇمىسقا مەكەمە تەولوگتارىمەن قاتار ءدىن ىستەرى باسقارمالارى مەن قوعامدىق ۇيىمدار وكىلدەرى دە اتسالىسىپ جاتىر. قاج مەكەمەلەرىندەگى جاعدايدى ساۋىقتىرۋدىڭ 2023-2025 جىلدارعا ارنالعان جول كارتاسىنىڭ تالاپتارىن جۇزەگە اسىرۋ ماقساتىندا اتالعان دەپارتامەنتكە قاراستى №11، №13 جانە №72 مەكەمەلەردەگى تەولوگ ماماندار اراسىندا “سوتتالعاندارمەن تەولوگيالىق وڭالتۋ جۇمىستارىن ساپالى جۇرگىزۋ” تاقىرىبىندا دوڭگەلەك ۇستەل ۇيىمداستىرىلدى.
دوڭگەلەك ۇستەلگە الماتى قالاسى، الماتى جانە جەتىسۋ وبلىستارى بويىنشا “AQNIET” اقپاراتتىق-ناسيحاتتاۋ جانە وڭالتۋ ورتالىعى” قوعامدىق قورىنىڭ ايماقتىق باسشىسى ج.ماتكاريموۆ جەتەكشىلىك ەتىپ، سوتتالعاندار اراسىندا تەولوگيالىق جۇمىس جۇرگىزۋدىڭ ءتيىمدى تاسىلدەرىنە توقتالدى. سونداي-اق تەولوگ ماماندار ر.مولداحمەتوۆ پەن م.تۇراپباي دا ءدىني تەرىس اعىمنىڭ زيانى مەن ودان ساقتانۋدىڭ جولدارىن، سوتتالعاندارمەن تەولوگويالىق جۇمىس جۇرگىزۋدىڭ ماڭىزى جايلى كەلەلى اڭگىمە وتكىزدى. دوڭگەلەك ۇستەل باسىنداعى اڭگىمە كەزىندە مەكەمەلەردىڭ تەولوگتارى دا سوتتالعاندارمەن جۇمىس ىستەۋدىڭ كۇردەلى ماسەلەلەرىن شەشۋدىڭ جولدارى جايلى ءوز پىكىرلەرىن ورتاعا سالدى.