الماتى جانە جەتىسۋ وبلىستارى بويىنشا قاج دەپارتامەنتىنىڭ ۇيىمداستىرۋىمەن، جاڭا جۇمىس ورىندارىن اشۋ ماقساتىندا جۇمىس كەزدەسۋى ءوتتى.
جۇمىس كەزدەسۋىنە قاج دەپارتامەنتىنىڭ، الماتى وبلىسى جانە الاتاۋ قالالىق اكىمدىگىنىڭ، مامانداندىرىلعان پروكۋراتۋرا وكىلدەرى جانە №14،12،57 مەكەمە باسشىلارى، سونداي-اق كىشى جانە ورتا بيزنەس وكىلدەرى قاتىستى.
كەزدەسۋ بارىسىندا الماتى وبلىسىنىڭ كولونيالارىنىڭ وندىرىستىك ايماقتارىنداعى بوس جەرلەرگە قۇراستىرمالى مودۋلدىك ءوندىرىس ورىندارىن ورناتۋ ماسەلەسى تالقىلاندى.
كاسىپكەرلەرگە جيىننان كەيىن №14 مەكەمەدەگى وندىرىستەر مەن بوس ايماقتار كورسەتىلىپ، ولارعا الماتى وبلىسىنىڭ قاج مەكەمەلەرىندە شىعارىلاتىن ونىمدەردىڭ كورمەسى ۇيىمداستىرىلدى.
" بۇل جوبا مەكەمەلەردە جاڭا وندىرىستەردىڭ اشىلۋىنا جانە جۇمىس ورىندارىنىڭ كوبەيۋىنە ىقپال ەتەتىنى ءسوزسىز. ءىس-شارا قاج مەكەمەلەرىندەگى جاعدايدى جاقسارتۋدىڭ 2023-2025 جىلدارعا ارنالعان جول كارتاسىن جۇزەگە اسىرۋ اياسىندا وتكىزىلۋدە"،- دەپ اتاپ ءوتتى قاجد باستىعىنىڭ م.ا. باقىتجان شارىپبەكوۆ.