الماتى وبلىسىنىڭ كولونيا قىزمەتكەرلەرى جول بويىنان قارۋ تاپتى

ماماندار قارۋدىڭ قاڭتار وقيعاسى كەزىندە ۇرلانعانىن انىقتاعان.

الماتى وبلىسىنىڭ قاج قىزمەتكەرلەرى ۇققك باسقارماسىمەن بىرگە تەگىس ۇڭعىلى مىلتىق جاسىرىلعان ورىن تاپتى، دەپ حابارلايدى Almaty-akshamy.kz Polisia.kz-كە سىلتەمە جاساپ.

الماتى وبلىسى جانە جەتىسۋ وبلىسى بويىنشا قاجد قاراستى № 14 مەكەمە قىزمەتكەرلەرىنىڭ جەدەل اقپاراتى بويىنشا، قاجد وزىڭدىك قاۋىپسىزدىك توبى جانە ۇققك باسقارما قىزمەتكەرلەرىمەن ۇرلانعان تەگىس ۇڭعىلى قارۋ ورنىن انىقتادى.

پوليەتيلەن پاكەتكە ورالعان BENELLI Beccaccia Supreme 12 كاليبرلى تەگىس ۇڭعىلى مىلتىق الماتى – وسكەمەن جولىنىڭ بويىنداعى بايسەركە اۋىلىنىڭ كوپىرىنىڭ جانىنان تابىلدى. ءىىو ەسەبى بويىنشا تەكسەرۋ ناتيجەلەرى بويىنشا بۇل قارۋ قاڭتار ايىنداعى وقيعالار كەزىندە الماتى قالاسىنىڭ “اننا” قارۋ-جاراق دۇكەنىنەن ۇرلانعان، – دەپ اتاپ ءوتتى قاجد باستىعىنىڭ ورىنباسارى قانات اشوۆ.

اتالعان دەرەك ق ر قك-نىڭ 287-بابى 2-بولىگى (قارۋدى، ءوق-دارiلەردi، جارىلعىش زاتتاردى جانە جارىلىس قۇرىلعىلارىن زاڭسىز يەمدەنۋ، بەرۋ، وتكiزۋ، ساقتاۋ، تاسىمالداۋ نەمەسە الىپ ءجۇرۋ) بويىنشا قونايەۆ قالاسىنىڭ پوليسيا باسقارماسىندا تىركەلگەن.