الماتىلىق قۇتقارۋشىلار تۇركياداعى جەر سىلكىنىسىنەن زارداپ شەككەندەرگە جىلىنۋ پۋنكتتەرىن ۇيىمداستىرىپ، جەر سىلكىنىسىنەن زارداپ شەككەن 300-دەن استام ادامعا كومەك كورسەتتى.
ق ر توتەنشە جاعدايلار مينيسترلىگى رەسپۋبليكالىق جەدەل-قۇتقارۋ جاساعىنىڭ باسشىسى ۆلاديمير سوي مەن ونىڭ ارىپتەستەرى قالاي كومەك كورسەتكەندەرىن ايتىپ بەردى.
«ءبىزدىڭ دارىگەرلەر العاشقى مەديسينالىق كومەك كورسەتتى. ەلەستەتىپ كورىڭىزشى، ادامدار تاۋلىك بويى سۋىقتا ءجۇر، وتتىڭ جانىندا كىشكەنتاي بالالار بولدى. مەن ولارعا سىرتىنان قاراپ تۇردىم، ولار سونداي توزىمدىلىك پەن باتىلدىق تانىتتى»، - دەدى ۆلاديمير سوي.
ول 6 جاسار ۇلىن دەنەسىمەن جاۋىپ، قۇتقارماق بولعان ەر ادامنىڭ وقيعاسىن ايتىپ بەردى. بالا امان قالۋى مۇمكىن ەدى، ءبىراق ونىڭ جولى بولمادى، شكافتىڭ بۇرىشى بالانىڭ باسىن تەسىپ كەتكەن. بۇكىل وتباسىن شىعارۋعا تۋرا كەلدى.
«ماعان ءبىر ايەل كەلىپ، تەلەفونىنان 2،5 جاسار قىزدىڭ سۋرەتىن كورسەتتى. قىزىن تاۋىپ بەرۋىمىزدى ءوتىندى. ونىڭ ايانىشتى كۇيىنە قاراۋ وتە قيىن بولدى. ءبىز قىزدى تاپتىق، ءبىراق ودان ارتىق ەشقانداي كومەك كورسەتە المادىق...»، - دەيدى قۇتقارۋشى.
ۆلاديمير سوي تۇرىكتەردىڭ جاندارىنا جاقىن كەلىپ، قۇتقارۋشىلارعا جانە ەل پرەزيدەنتىنە العىستارىن بىلدىرگەنىن ايتتى.
قۇتقارۋ بولىمشەسىنىڭ باسشىسى باۋىرجان ارىستانبايەۆ دۇمپۋلەردىڭ جۇمىسقا كەدەرگى بولعانىن ايتىپ، ەستەلىكتەرىمەن ءبولىستى. قۇتقارۋشىلار جۇمىس ىستەپ جاتقان جەرلەردە كەز كەلگەن ساتتە قۇلاپ كەتۋى مۇمكىن تولىق قيراماعان ۇيلەردىڭ سىنىقتارى ءىلىنىپ تۇرعان.
«ەڭ قيىنى تۇتاستاي وتباسىلاردى قيراندىلاردان شىعارۋ بولدى. امان قالعانداردىڭ جولى بولدى، ولار اشىق قالعان جەرلەردەن شىعارىلدى، ءبىراق ونداي جەرلەر وتە از بولدى. ەڭ ءقاۋىپسىز ورىندار عيماراتتاردىڭ تىرەكتەرىندە بولدى»، - دەدى باۋىرجان ارىستانبايەۆ.
سونىمەن قاتار، اۆتوتۇراقتار امان قالعان، ءبىراق ادامدار ول جەرلەرگە جەتىپ ۇلگەرمەگەن.
الماتىدان تۇركياعا قىزمەتتىك يتتەرى بار ءۇش توپ جىبەرىلدى. ولاردىڭ قاتارىندا كينولوگيالىق ءبولىمنىڭ باس قۇتقارۋشى مامانى ەرىك بەرلىبەكوۆ پەن ونىڭ وۆچاركا ءيتى دجەيكوب بولدى. كينولوگ پەن قىزمەتتىك يتكە ءارتۇرلى جاعدايدا جۇمىس ىستەۋگە تۋرا كەلدى، جەردە ارماتۋرا مەن سىمدار شىعىپ تۇردى، العان جاراقاتتارىنا قاراماستان، يت تە ىزدەۋدى توقتاتپادى. دجەيكوبقا ءوزىن ماقتاپ، ءارى سۇيىكتى دوبىمەن ويناتىپ قويسا بولعانى.
«يت 20 مينۋت جۇمىس ىستەپ، 10 مينۋت دەمالدى. ولار ۋچاسكەنى سەكتورلارعا ءبولدى. بىردە بارلىق يىستەر، ونىڭ ىشىندە ازىق-تۇلىك، تۇرمىستىق حيميانىڭ ءيىسى دە ارالاسىپ كەتكەن اۋماققا تاپ بولدىق. ءبىز تازالاپ ءجۇرىپ، ءيتتى كىرگىزدىك. ول شەڭبەر جاساپ، تاپقان ورنىن ءوزىنىڭ ۇرۋىمەن ءبىلدىردى. قۇتقارىلعانداردى وسىلاي تاپتىق»، - دەپ تولىقتىردى ەرىك بەرلىبەكوۆ.
جەدەل قۇتقارۋ جاساعىنىڭ جاس قۇتقارۋشىسى سەرعازى ءابدىقادىر العاش رەت شەتەلگە ءىسساپارعا شىعىپتى. تۇركيادا ول قۇتقارۋ جۇمىستارىنىڭ ۆيدەوسىن ءتۇسىرىپ، ونى ءوزىنىڭ جەكە پاراقشاسىندا جاريالاعان. وسى ارقىلى ول جىگىتتەردىڭ جۇمىسىن كورسەتكىسى كەلگەن، ءبىراق ونىڭ سۋرەتتەرى تانىمال بولادى دەپ ويلاماپتى. ول ءوزىن باتىر سانامايدى، ءبىراق ادامداردى قۇتقارۋدى ورتاق ەڭبەك دەپ بىلەدى.