الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا تۇركياداعى جەر سىلكىنىسىنەن زارداپ شەككەن ميسسياسىن ورىنداپ، ەلگە ورالعان قۇتقارۋشىلاردىڭ قاتىسۋىمەن العاشقى باسپا ءسوز ءماسليحاتى ءوتتى.
ق ر توتەنشە جاعدايلار مينيسترلىگى رەسپۋبليكالىق جەدەل-قۇتقارۋ جاساعىنىڭ باسشىسى ۆلاديمير سوي ءوزىنىڭ جاۋىنگەرلەرىمەن بىرگە ءتىرى قالعانداردى ىزدەستىرۋ ءۇشىن ۇيىندىلەردى قالاي بولشەكتەگەنىن ايتىپ بەردى، دەپ حابارلايدى Almaty-akshamy.kz.
الماتىدان باۋىرلاس تۇركيا حالقىنا كومەكتەسۋ ءۇشىن بارلىعى 33 ادام جانە اپاتتار مەديسيناسى ورتالىعىنىڭ 5 مامانى اتتاندى. تۇركياعا بارعاننان كەيىن قازاقستاندىق قۇتقارۋشىلار گازيانتەپ قالاسىنا جەتكىزىلدى. وندا قۇتقارۋشىلار قيراعان عيماراتتاردى كوردى. الماتىلىقتار تۇرىك كوورديناتورلارىنان ەڭ اۋىر نىساندى كورسەتۋدى وتىنگەن. ول جەرگە 10 ادام جىبەرىلگەن.
«تولىعىمەن قيراعان ءۇش قاباتتى عيمارات بولدى. ءبىز وعان كوزبەن شولۋ جاسادىق، وعان جاقىن تۇرعان ءۇيدىڭ دە قيراۋ ءقاۋپى بولدى. تەكسەرۋ كەزىندە ولار ايەلدى تاپتى، ونى شىعارۋ ءۇشىن ءتۇنى بويى جۇمىس ىستەدى. عيماراتتىڭ باسىلىپ قالعانى سونشا، بەتون توبەسى مەن ەدەننىڭ اراسى 30 سانتيمەتر بولدى، قيىن جاعدايدا جۇمىس ىستەۋگە تۋرا كەلدى»، – دەيدى ۆلاديمير سوي.
تاڭەرتەڭ قۇتقارۋشىلار تاعى ءبىر ءمايىتتى تاپقان. ول تابىلعان ايەلدىڭ قىزى ەدى... ساقتىق كەرەك بولدى، ول كەزدە بارلىعى 5 ءمايىت تابىلدى. سونىمەن بىرگە جەر استى دۇمپۋلەرىنەن ودان سايىن قيسايا ءتۇستى. زارداپ شەككەندەردى شىعارۋ ءۇشىن ءۇش قاباتتى عيماراتتى بولشەكتەۋ قاجەت بولدى، جۇمىس ەكى كۇنگە سوزىلدى، ودان قازا بولعان 19 ادامنىڭ ءمايىتى شىعارىلدى.
«ءبىر جاعىنان ەموسيونالدى قىسىم كوپ بولدى، ويتكەنى سىلكىنىستەر جالعاسا بەردى. كەز كەلگەن سەكۋندتا ءۇي قۇلاۋى مۇمكىن ەدى، ءبىراق ءبىز تاپسىرمانى ورىندادىق، زەرگەرلەر سياقتى جۇمىس ىستەدىك. ءار ساعاتتىق جۇمىستان كەيىن كينولوگتاردى جىبەردىك، بەس مينۋتتىق تىنىشتىق جاريالاندى »، - دەپ ەسكە الدى ۆلاديمير سوي.
قۇتقارۋشىلارعا بارلىعى 3 قىزمەتتىك يت كومەكتەستى، ولار و باستان ءتىرى ادامدى ىزدەۋگە ۇيرەتىلگەن. ولگەن ادامداردى ىزدەۋدى يتتەر سول جەردە، تۇركيادا ۇيرەنگەن. اتاعى جايىلعان يتتەردىڭ اراسىندا دجەيكوب بار، مالينۋا تۇقىمىنىڭ بەلگيالىق وۆچاركاسى.
«دجەيكوب قيىن جاعدايدا جۇمىس ىستەدى، ديامەترى شامامەن 50-60 سانتيمەتر بولاتىن 3 مەتر تەرەڭدىككە تىگىنەن ءوتۋ كەرەك بولدى. دىبىسقا قاراي جۇمىس ىستەۋ كەرەك بولدى. ءبىزدىڭ جولىمىز بولدى، ىزدەۋ قۇرىلعىلارىن قولدانا وتىرىپ، زارداپ شەككەندەردى ءدال تاپتىق. قۇرىلىس قوقىستارى شەلەكتەرگە سالىنىپ، مەديسينالىق قۇرىلعىلاردان تۇتىك جاسالىپ، ونى ويىققا ءتۇسىرىپ، زارداپ شەككەندەرگە وسىلايشا سۋ جىبەرىلدى»، - دەدى رجقج باسشىسى
قۇتقارىلعانداردىڭ اراسىندا ەر ادام مەن ونىڭ ءۇش ۇلى بولدى، ولار قۇتقارىلعاننان كەيىنگى كەلەسى كۇنى قازاقستاندىق قۇتقارۋشىلارعا العىس ايتۋ ءۇشىن ىزدەپ كەلگەن.
كەيىنىرەك تۇركياعا (نۇرداعى قالاسى) تاعى 60 قۇتقارۋشى كەلدى، بارلىعى 100-دەن استام ادام جۇمىس ىستەدى. ولاردىڭ باسىم بولىگى حاتايدا بولدى.
قازاقستاندىق قۇتقارۋشىلار بارلىعى 7 ادامدى قۇتقارىپ، قازا بولعان 88 ادامدى شىعاردى
قازاقستان رەسپۋبليكاسى قۇتقارۋشىلارىنىڭ كاسىبي شەبەرلىگىن تۇرىك ارىپتەستەرى مەن قاراپايىم ازاماتتار جوعارى باعالادى.
«ولار اۋدارماشى تاۋىپ: «قازاقتار نەگە سونشالىقتى مىقتى، سىزدە جەر سىلكىنىسى ۇنەمى بولىپ تۇرا ما دەدى. وعان مەن قازاقستاندا قۇتارۋشىلاردىڭ جاقسى مەكتەبى قالىپتاسقان دەپ جاۋاپ بەردىم. راسىندا، ەلىمىزدە وتە جاقسى مەكتەپ قالىپتاسقان. ءبىز جىل سايىن پوليگوندا وقۋ-جاتتىعۋ جيىندارىن، وقۋ-جاتتىعۋ جاعدايىندا جاتتىعۋلار وتكىزەتىن جارىستاردى وتكىزەمىز. بۇل دايىندىق تۇركيادا وتە پايدالى بولدى»، - دەپ جالعاستىردى ۆلاديمير يوي.
العاشقى كۇندەرى قازاقستاندىق قۇتقارۋشىلار ءىس جۇزىندە دەمالىسسىز ىستەدى دەۋگە بولادى، 16 ساعاتتىق اۋىسىممەن قىزمەت ەتتى. نىسانداردان ءبىر مينۋتقا دا كەتە المادى. ونىڭ ۇستىنە، اۋا تەمپەراتۋراسى تۇندە -7 گرادۋسقا دەيىن تومەندەدى.
قۇتقارۋشىلارعا قازاقستاننىڭ تۇركياداعى ەلشىلىگى مەن ەرىكتىلەر قولداۋ كورسەتتى.
كەلگەننەن كەيىن تۇرىك ارىپتەستەرى الماتىلىق قۇتقارۋشىلاردى ۇمىتقان جوق، كەشە ۆلاديمير سويعا حابارلاسىپ، قۇتقارۋشىلارىن وقىتۋعا كومەكتەسۋىن ءوتىندى. ولار 30 قۇتقارۋشىسىن الماتىعا وقۋعا جىبەرۋگە دايىن.