ءىس-شارانى وبلىستىق ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى پروكۋراتۋرانىڭ، ەرىكتىلەردىڭ، كادەتتەردىڭ، سونداي-اق جاستار ۇيىمدارىنىڭ قاتىسۋىمەن ۇيىمداستىردى، دەپ حابارلايدى aqshamnews.kz Polisia.kz-كە سىلتەمە جاساپ.
– ءىس-شاراعا بۇكىل ايماقتان ەكى مىڭنان استام ادامدى جينالدى. قۇقىق قورعاۋ ورگاندارىمەن بىرگە اكسياعا 486 ەرىكتى، كادەت سىنىپتارىنىڭ 124 وقۋشىسى، ۇكىمەتتىك ەمەس ۇيىمداردىڭ 147 وكىلى، سونداي-اق “امانات” پارتياسى جانىنداعى “جاستار رۋحى” قوعامدىق بىرلەستىگىنىڭ 215 بەلسەندىسى قاتىستى. سينتەتيكالىق ەسىرتكىنىڭ تارالۋى تۋرالى اقپاراتى بار تىيىم سالىنعان جازۋلاردى بوياۋ بويىنشا اكسيا بۇكىل وبلىس اۋماعىندا ءبىر مەزگىلدە ءوتتى، – دەپ اتاپ ءوتتى وبلىستىق ەسىرتكى قىلمىسىنا قارسى ءىس-قيمىل باسقارماسىنىڭ باستىعى ارداق قايساروۆ.
سونىمەن قاتار پوليسەيلەر مەن جاستار قالا جانە اۋىل تۇرعىندارىمەن اڭگىمەلەسىپ، ەسىرتكىگە قارسى تاقىرىپتا كىتاپشالار مەن پاراقشالار تاراتتى. جامان ادەتتەردەن باس تارتۋعا شاقىرىپ، ايماقتا ەسىرتكى زاتتارىن تاراتاتىنداردىڭ قۇربانى بولماۋدىڭ جولدارىن ءتۇسىندىردى.