رۇقسات ەتىلمەگەن پوليگون
بىرنەشە كۇن بۇرىن الەۋمەتتىك جەلىلەردە الماتى وبلىسىندا قوقىس ءۇيىندىسىن زاڭسىز ورنالاستىرۋ تۋرالى بەينەروليك جاريالاندى، دەپ حابارلايدى Almaty-akshamy.kz.
الماتى وبلىسى بويىنشا ەكولوگيا دەپارتامەنتى اعىمداعى جىلدىڭ 25 قاڭتارىندا قوقىس توگەتىن ورىن ورنالاسقان شەلەك اۋىلىنىڭ باتىس بولىگىنىڭ اۋدانىنا بارىپ، جەرگىلىكتى تۇرعىندارمەن كەزدەسۋ وتكىزدى.
بۇل ساپار جەرگىلىكتى اتقارۋشى ورگانداردىڭ، ب ا ق وكىلدەرىمەن جانە شەلەك پوليسيا ءبولىمىنىڭ قىزمەتكەرلەرىمەن بىرلەسىپ جۇزەگە اسىرىلدى.
«تەكسەرۋ بارىسىندا رۇقسات ەتىلمەگەن پوليگوندا قاتتى تۇرمىستىق، مەديسينالىق قالدىقتار مەن مۇناي ونىمدەرى بولدى. دەپارتامەنت شەلەك اۋىلىنىڭ اكىمدىگىنە جانە «باليس 2007» ج ش س وكىلدەرىنە ولاردى جويۋ بويىنشا جەدەل شارالار قابىلداۋ تۋرالى تاپسىرما بەردى»، - دەپ جازدى ەكولوگيا جانە تابيعي رەسۋرستار مينيسترلىگىنەن.
شەلەك پوليسيا ءبولىمىنىڭ قىزمەتكەرلەرى تىركەۋ ماتەريالىن جاساقتادى، ونىڭ ناتيجەلەرى بويىنشا كىنالى ادامدارعا قاتىستى قازاقستان رەسپۋبليكاسىنىڭ قولدانىستاعى زاڭناماسىنا سايكەس ءتيىستى شارالار قابىلداناتىن بولادى.