اەس سالۋعا الماتى وبلىسى جامبىل اۋدانى ۇسىنىلدى

وسى جىلى رەاكتورلىق تەحنولوگيانى تاڭداۋ بويىنشا جۇمىستار جۇرگىزىلەدى

اتوم ەلەكتر ستانسياسىن سالۋ سالىناتىن جەر ءالى تاڭدالعان جوق. بۇل تۋرالى ەنەرگەتيكا ءمينيسترى بولات اقشولاقوۆ مالىمدەدى، دەپ حابارلايدى Almaty-akshamy.kz Baq.kz-كە سىلتەمە جاساپ.

وزدەرىڭىز بىلەتىندەي، قازاقستان اتوم ەلەكتر ستانسياسىن سالۋ ماسەلەلەرىن قاراۋ بويىنشا جۇمىس جۇرگىزۋدە. ول ءۇشىن ەلىمىزدە بارلىق وبەكتيۆتى العىشارتتار بار. بۇل –  ۋران مەن ونى قايتا وڭدەۋ ونىمدەرىنىڭ قورلارى، سونداي-اق عىلىمي بازا.

«2022 جىلى جۇڭگو (CNNC)، رەسەي (روساتوم)، كورەيا (KHNP)، فرانسيا (EDF) سياقتى ەلدەردەن جەتكىزۋشىلەردىڭ تەكسەرىلگەن رەاكتورلىق تەحنولوگيالارىنىڭ «قىسقا ءتىزىمى» جاسالدى. وسى جىلى رەاكتورلىق تەحنولوگيانى تاڭداۋ بويىنشا جۇمىستار جۇرگىزىلەتىن بولادى»، - دەدى اقشولاقوۆ مينيسترلىكتىڭ كەڭەيتىلگەن القا وتىرىسىندا.

ونىڭ ايتۋىنشا، اتوم ەلەكتر ستانسياسىن ورنالاستىرۋدىڭ وڭتايلى الاڭى رەتىندە الماتى وبلىسىنىڭ جامبىل اۋدانى ۇسىنىلدى.

«2023 جىلى اتوم ەلەكتر ستانسياسىن ورنالاستىرۋ اۋدانىن تاڭداۋ ماسەلەسى قوعامدىق تالقىلاۋعا شىعارىلاتىن بولادى»، - دەپ مالىمدەدى مينيستر.