الماتى وبلىسىنداعى ساياجايلارعا ەلدى مەكەن ستاتۋسىن بەرەتىن مەحانيزم ىسكە قوسىلادى، - دەپ حابارلايدى Almaty-akshamy.kz الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.
الماتى وبلىسىندا ساياجايلىق بىرلەستىكتەر مەن باۋ-باقشا سەرىكتەستىكتەرىنە ەلدى مەكەن ستاتۋسىن بەرەتىن مەحانيزم ىسكە قوسىلىپ، الماتى ايماعىندا تۇراتىن 183 مىڭنان استام ادامنىڭ اسا وزەكتى ماسەلەسىنىڭ شەشىلۋىنە سەپتىگىن تيگىزەدى. وبلىس بويىنشا بارلىعى 705 ساياجايلىق القاپ بار. سوندىقتان ساياجاي ماسەلەسى كۇن وتكەن سايىن وزەكتى بولا تۇسۋدە. ونى ءتيىمدى جولمەن شەشۋ 135 ساياجايى بار ەڭبەكشىقازاق اۋدانى ءۇشىن دە ماڭىزدى. وسى اۋداننىڭ تۇرعىندارى قويعان ساۋالدارعا جاۋاپ بەرگەن الماتى وبلىسىنىڭ اكىمى قانات بوزىمبايەۆ ساياجايداعى ينفراقۇرىلىم ماسەلەسىن شەشۋ ءۇشىن الدىمەن وعان ەلدى مەكەن ستاتۋسىن بەرۋ كەرەكتىگىن اتاپ ءوتتى. دەمەك، سوندا عانا مەكتەپ، بالاباقشا، اۋرۋحانا، جول مەن كوشەلەردى جارىقتاندىرۋ، ورتالىقتاندىرىلعان اۋىزسۋ مەن تابيعي گاز تارتۋ ماسەلەسى شەشىلەدى. ويتكەنى، قازاقستاندىق زاڭناماعا سايكەس جەرگىلىكتى اتقارۋشى بيلىك بيۋدجەت قارجىسىن اۋىلدىق جانە قالالىق اۋماقتاردى دامىتۋعا عانا جۇمساي الادى. ساياجاي كووپەراتيۆتەرى بۇدان سىرت قالادى.
«وسى ماسەلەنى مەن ەل پرەزيدەنتىنە، ۇكىمەت باسشىسىنا جەتكىزدىم. سوعان ساي قاجەتتى قولداۋ مەن ماقۇلداۋ الدىق. ءقازىر ءاربىر اۋدانعا باس جوسپاردى تۇزەتۋ مەن تولىق جوسپارلاۋدىڭ جوباسىن جاساۋ ءۇشىن شامامەن 500-700 ميلليون تەڭگە كولەمىندە قارجى ءبولىپ وتىرمىز. وسىعان وراي باس جوسپارلاردى پىسىقتاۋ جونىندەگى اۋىر جۇمىستاردى بيىل اياقتايمىز دەپ ويلايمىن. كەلەر جىلى ەگجەي-تەگجەيلى جوسپارلاۋ جوبالارىمەن اينالىسامىز. ودان سوڭ رەسپۋبليكالىق بيۋدجەتتەن قارجى الۋ ءۇشىن ءوتىنىش بەرىپ، جەتىسپەگەنىن جەرگىلىكتى بيۋدجەتتەن بولدىرەمىز. سونىڭ ارقاسىندا 2-3 جىلدىڭ كولەمىندە ساياجايلار ەلدى مەكەن ستاتۋسىن الادى. بۇل ماسەلە وسى ۋاققا دەيىن مۇلدە شەشىلمەگەنىن ەسكەرسەك، مەجەلەنگەن مەرزىمگە شىداۋعا بولادى»، – دەدى وبلىس اكىمى قانات بوزىمبايەۆ.
ەڭبەكشىقازاق اۋدانىنىڭ تۇرعىندارى ناقتىلاۋ ماقساتىنداعى ساۋالداردى كوپ قويعان كەزدەسۋدە «شۇبار»، «مەرەكە»، 14ء-شى ساياجاي سياقتى ساياجايلىق بىرلەستىكتەردىڭ تۇرعىندارى بەلسەندىلىك تانىتتى. بۇعان دەيىن بەلگىسىز بولىپ كەلگەن ماسەلەنىڭ ءتۇيىنى شەشىلەتىنىن ۇعىنعان ساياجايلىق تۇرعىندار جاقىن ارادا وركەنيەتتىڭ قاراپايىم قاجەتتىلىكتەرىنە قول جەتەتىنىنە سەنىم ءبىلدىردى.