الەم بويىنشا COVID-19 ۆيرۋسىن جۇقتىرعاندار سانى ءتورت ەسەگە ازايدى

وتكەن اپتامەن سالىستىرعاندا الەم بويىنشا COVID-19 اۋرۋىنىڭ سانى ءتورت ەسە ازايدى، دەپ حابارلايدى Almaty-akshamy.kz ق ر ۇكىمەتى جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram كانالىنا سىلتەمە جاساپ. 
15 - 21 مامىر ارالىعىندا 5،7 ميلليوننان استام ادامنان ينفەكسيا انىقتالسا، 22 – 28 كۇنى ارالىعىندا بۇل مەجە شامامەن 1،4 ميلليونعا جەتكەن. سونداي-اق، COVID-19-دان كوز جۇمعان ادامداردىڭ سانى كۇرت تومەندەدى. سوڭعى اپتادا 10،5 مىڭ ادام ينفەكسيانىڭ قۇربانى بولدى، بۇل وتكەن اپتامەن سالىستىرعاندا ەكى ەسە از. امەريكا قۇراما شتاتتارى ءۇشىنشى اپتادا الەمدە COVID-19 اۋرۋى بويىنشا ءبىرىنشى ورىندا تۇر. سوڭعى جەتى كۇندە ەلدە 600 مىڭعا جۋىق جاڭا جاعداي انىقتالدى (وتكەن اپتامەن سالىستىرعاندا + 30 مىڭ جاعداي). رەسەيدە تاۋلىگىنە 4 188 كوروناۆيرۋستى جۇقتىرۋ جاعدايى انىقتالدى. بۇل وتكەن كۇنمەن (4 556 جاعداي) سالىستىرعاندا 8.79%-عا تومەن. تاۋلىگىنە 1 001 ناۋقاس ەمدەلىپ جاتىر، بۇل الدىڭعى كورسەتكىشپەن (2 106 جاعداي) سالىستىرعاندا 52،5%-عا تومەن. سونىمەن قاتار، ءبىر كۇندە 4 411 ادام ساۋىعىپ، وتكەن كۇنمەن (5 844 جاعداي) سالىستىرعاندا، كورسەتكىشتىڭ الدەقايدا تومەندەگەنى بايقالادى، ياعني 24،5%-عا، دەپ حابارلادى COVID-19-عا قارسى فەدەرالدى جەدەل شتابى. تاۋلىگىنە كوروناۆيرۋستان كوز جۇمعان ادامداردىڭ سانى - 85، بۇل الدىڭعى كورسەتكىشپەن (86 جاعداي) سالىستىرعاندا ءبىر ادامعا از. قايتىس بولعانداردىڭ جالپى سانى 378 955 جەتتى. كوروناۆيرۋستان ەڭ كوپ قايتىس بولعاندار سانى سانكت-پەتەربۋرگ (12 جاعداي) پەن ماسكەۋ قالالارىندا (11 جاعداي) تىركەلدى.