ەڭ باستىسى – ساۋاتتىلىق پەن مۇقياتتىلىقتا
سوڭعى 5 جىلدا ەلەكتر ەنەرگياسىن تۇتىنۋ كولەمى 27 پايىزعا ارتتى، دەپ حابارلايدى Almaty-akshamy.kz ق ر يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنە سىلتەمە جاساپ.
«ەلەكتر ەنەرگياسىن تۇتىنۋ – ازاماتتاردىڭ ءومىر ءسۇرۋ دەڭگەيى مەن ساپاسىن ايقىندايتىن ماڭىزدى ەكونوميكالىق جانە الەۋمەتتىك كورسەتكىشتىڭ ءبىرى. حالىقارالىق ەنەرگەتيكالىق اگەنتتىكتىڭ مالىمەتى بويىنشا، سوڭعى 5 جىلدا ەلەكتر ەنەرگياسىن تۇتىنۋ كولەمى 27 پايىزعا ارتقان. «ەلەكتر ەنەرگەتيكاسىن دامىتۋ جانە ەنەرگيا ۇنەمدەۋ ينستيتۋتى» اق وكىلدەرىنىڭ ايتۋىنشا، تۇرمىستىق سەكتوردا ەنەرگيا تۇتىنۋ كورسەتكىشىن تومەندەۋىن توقتاتۋ مۇمكىن ەمەس. دەسە دە ونىڭ ءوسۋ قارقىنىن باسەڭدەتۋگە ىقپال ەتۋگە بولادى. مامانداردىڭ پايىمداۋىنشا، ازاماتتار ەنەرگيانى تۇتىنۋ مادەنيەتىنىڭ قاراپايىم ەرەجەلەرىن ساقتاۋعا داعدىلانعانى ءجون. ماسەلەن، ينستيتۋت ماماندارى جىلۋدى ساقتاۋ ءۇشىن تەرەزە جاقتاۋلارى مەن ەسىك ويىقتارىنداعى ساڭىلاۋلاردى بەكىتىپ، كوپكامەرالى شىنىلى پاكەتتەرى بار تەرەزەلەردى ورناتۋ قاجەت. بۇل ورايدا جىلۋ رادياتورلارىن اۋىستىرۋ مەن سىرتقى قوسىمشا ەسىك ورناتۋدىڭ دا ايتارلىقتاي ماڭىزى بار. ەنەرگيا تيىمدىلىگىن ارتتىرۋ ماقساتىندا قىزدىرۋ شامدارىن ەنەرگيا از جۇمسايتىن شامدارعا اۋىستىرۋ دا ۇنەمدەۋگە ءوز سەپتىگىن تيگىزبەك. سونداي-اق «ا»-دان تومەن ەمەس تۇرمىستىق اسپاپتار مەن تەحنيكانى پايدالانعانى ابزال. وسى رەتتە ايتا كەتەيىك، ەلەكتر پليتاسى جىلىنا 1000 كۆت* ساع.، توڭازىتقىش 400 كۆت* ساع.، تەلەديدار 250 كۆت* ساع.، كىر جۋعىش ماشيناسى 200 كۆت* ساع. ەلەكتر ەنەرگياسىن جۇمسايدى»،-دەلىنگەن حابارلامدا. ەلەكتر ەنەرگەتيكاسىن دامىتۋ جانە ەنەرگيا ۇنەمدەۋ ينستيتۋتى ماماندارىنىڭ پىكىرىنشە، ءومىر ءسۇرۋ ساپاسىن تومەندەتپەي-اق ەلەكتر ەنەرگياسىن تۇتىنۋدى 40-50 پايىزعا دەيىن ازايتۋعا مۇمكىندىك بار.