بۇل تۋرالى ءماجىلىس دەپۋتاتى باقىتجان بازاربەك ايتتى.
ونىڭ ايتۋىنشا، الماتى وبلىسى ەڭبەكشىقازاق اۋدانىنداعى اسىساعا اۋىلى ءبىر عانا وتباسى مۇشەلەرىنىڭ مەنشىگى بولعان، دەپ حابارلايدى Almaty-akshamy.kz
«اسىساعا اۋىلىندا 11 مىڭ گا جايىلىمدى جەر بار ەدى. 2013-2015 جىلدار ارالىعىندا بولات نازاربايەۆتىڭ قويعان اكىمىنىڭ زاڭسىز قاۋلىسى سالدارىنان 11 مىڭ گا-نىڭ 9 مىڭ گا جايىلىمدى جەرى ءبىر جانۇيا مۇشەلەرىنىڭ جەكەمەنشىگىنە ءوتىپ كەتكەن. ياعني، اكەسى – 2 300 گا، ۇلكەن ۇلى – 1 370 گا، ورتانشى ۇلى – 1 340، ورتانشى قىزى – 1 260 گا، كىشى قىزى – 1 760 گا جانە ونىڭ كۇيەۋى 1 670 گا جەردى يەلەنىپ العان. وسىلايشا، ءبۇتىن ءبىر اۋىلدىڭ جەرى ءبىر عانا وتباسى مۇشەلەرىنىڭ جەكەمەنشىك جانە جەر پايدالانۋ قۇقىعىنا ءوتىپ كەتكەن»، - دەدى دەپۋتات.
باقىتجان بازاربەكتىڭ سوزىنشە، «جەر اماناتى» رەسپۋبليكالىق كوميسسياسى ونىڭ 6 500 گا جەرىن مەملەكەتتىك مەنشىك يەسىنە قايتارىپتى.
«بۇل مىسالدى نەگە ايتىپ وتىرمىن؟ جايىلىمدى جەرلەردىڭ ماسەلەسى قازاقستاننىڭ تۇكپىر-تۇكپىرىندە وتە وزەكتى بولىپ تۇر. ءبىز «قوعامدىق جايىلىم» دەگەن ۇعىمدى ەنگىزىپ وتىرمىز. «قوعامدىق جايىلىم» دەگەن ۇعىممەن قوسا، ەندى جەمقورلىققا بەلشەسىنەن باتقان اكىمدەر قوعامدىق جايىلىمدى جەرلەردى ىعاي-سىعايلارعا بەرۋگە قۇقىعى جوق. سەبەبى ول بازاعا قوعامدىق جايىلىمدىق جەرلەر رەتىندە ەنگىزىلەدى»، - دەدى ماجىلىسمەن.
ول ناقتى ءبىر ەلدىمەكەندە 5 جىل تۇرعان ازامات ەندى قوسىمشا ۇپايعا يە بولاتىنىن اتاپ ءوتتى.
«جايىلىمدى جەرلەردى ەگىستىك جەرلەرگە اينالدىرۋعا بولمايدى. سونداي-اق ەندى اكىمدەر جايىلىمدى جەرلەردى رەزەرۆكە قويۋعا مىندەتتەلەدى. جايىلىمدى جەرلەردى كووپەراتيۆتەرگە بەرەمىز جانە كووپەراتيۆتەردى قولدايمىز»، - دەدى باقىتجان بازاربەك.